सर्व्हिस लाइनमध्ये अतिक्रमण

टॅक्सची माेहीम थंडावली

अकाेला : अकाेलेकरांकडे १३८ काेटींचा मालमत्ता कर थकीत असून, त्याची वसुली करण्यासाठी मध्यंतरी महापालिका प्रशासनाने १४८ पथकांचे गठन केले. मागील काही दिवसांपासून मनपाकडून टॅक्स वसुलीची माेहीम थंडावल्याचे चित्र असून, यामुळे नागरिकांनी सुद्धा कर जमा करण्यास हात आखडता घेतला असून, याचा परिणाम उत्पन्नावर झाला आहे.

खड्ड्यांमुळे वाहनचालक त्रस्त

अकाेला : निमवाडी लक्झरी बसस्थानक ते पाेलीस मुख्यालयापर्यंतच्या मुख्य रस्त्याची अक्षरश: चाळण झाली आहे. लक्झरी बसस्थानकामुळे येथे प्रवाशांची माेठी रेलचेल राहते. खड्ड्यांमुळे अपघात हाेण्याची शक्यता लक्षात घेता या मार्गाची तातडीने दुरुस्ती करण्याची गरज आहे.

शेतकऱ्यांसाठी कृषी मार्गदर्शनाचा अभाव

अकाेला : खरीप हंगामात शेतकऱ्यांचे नुकसान झाले. आता रब्बी हंगामातील पिकांवरही विविध किडराेगांचा प्रादुर्भाव झाला आहे. अशावेळी शेतकऱ्यांना कृषी विभागाच्या मार्गदर्शनाची गरज असताना या विभागाकडून पाठ फिरविल्याचे चित्र समाेर आले आहे.

वातावरणात बदल : साथ राेगांचा फैलाव

अकाेला : शहरात मागील काही दिवसांपासून वातावरणात बदल झाला असून, थंडीचा कडाका वाढला आहे. याचा परिणाम लहान मुले व वयाेवृद्ध नागरिकांच्या आराेग्यावर झाला आहे. शहरातील सर्व खासगी दवाखाने रुग्ण संख्येने खच्चून भरल्याचे चित्र आहे.

फिजिकल डिस्टन्सिंगला खाे

अकाेला : शहरात थंडीचा कडाका वाढत चालला असतानाच काही दिवसांपासून काेराेना पाॅझिटिव्ह रुग्णांच्या संख्येतही झपाट्याने वाढ हाेत असल्याचे समाेर आले आहे. काेराेनाचा वाढता प्रादुर्भाव पाहता नागरिकांनी नियमांचे पालन करणे अपेक्षित असताना त्यांच्याकडून फिजिकल डिस्टन्सिंगकडे सपशेल दुर्लक्ष केले जात आहे.

जय हिंद चौकात वाहतुकीचा खाेळंबा

अकोला : शहरातील सर्वाधिक वर्दळीचा असलेल्या जय हिंद चौकात साेमवारी वाहतुकीची कोंडी झाल्याचे दिसून आले. मुख्य रस्त्यालगत ऑटाेचालकांसह खाद्यपदार्थ, फळविक्रेत्यांनी ठाण मांडल्याने वाहतूक विस्कळीत झाली हाेती. जुने शहरात अरुंद रस्त्यांमुळे वाहनचालकांना मनस्ताप सहन करावा लागताे.

डासांची पैदास वाढली

अकोला : शहरातील नाले-गटारांची नियमित साफसफाई होत नसल्याने डासांची पैदास वाढली आहे. यामुळे नागरिकांचे आराेग्य धाेक्यात आले असून, डांसाच्या उत्पत्तीला आळा घालण्यासाठी महापालिकेच्या हिवताप विभागाने धुरळणी करण्याची गरज आहे. या विभागाचा बेताल कारभार अकाेलेकरांच्या मुळावर उठला आहे.

राष्ट्रीय मार्गावर मातीचे ढीग

अकोला : शहरातील राष्ट्रीय महामार्गाचे निर्माण कार्य वेगाने सुरू असले तरी रस्त्याच्या खाेदकामात निघणाऱ्या मातीची शहराबाहेर विल्हेवाट न लावता रस्त्यालगत मातीचे ढीग लावल्या जात असल्याचे दिसून येत आहे. या मार्गावर वाहनांमुळे दिवसभर मातीचा धुराळा उठत असल्याने नागरिकांना त्रास सहन करावा लागत आहे.