दोन विशेष  उत्सव रेल्वेगाड्यांचा मार्च-एप्रिलपर्यंत विस्तार

Special festival trains अमरावती-तिरुपति आणि हैदराबाद-जयपुर या दोन विशेष गाड्यांची मुदत वाढविण्यात आली आहे.

ठळक मुद्देया गाड्या आता मार्च व एप्रिल महिन्यांपर्यंत धावणार आहेत.दक्षीणेकडे जाणार्या अकोलेकरांची सुविधा झाली आहे.

अकोला : अकोला स्थानकावरून जाणार्या अमरावती-तिरुपति आणि हैदराबाद-जयपुर या दोन विशेष गाड्यांची मुदत वाढविण्यात आली असून, मर्यादित कालावधीसाठी असलेल्या या गाड्या आता मार्च व एप्रिल महिन्यांपर्यंत धावणार आहेत. त्यामुळे दक्षीणेकडे जाणार्या अकोलेकरांची सुविधा झाली आहे.

मध्य रेल्वेच्या भूसावळ मंडळ प्रबंधक कार्यालयाकडून प्राप्त माहितीनूसार, आठवड्यातून दर सोमवार व गुरुवारी धावणारी गाडी क्र. ०२७६६ (अमरावती-तिरुपति)ला आगामी ३० मार्च पर्यंत मुदतवाढ देण्यात आली आहे. आठवड्यातून दर मंगळवार आणि शनिवारी धावणारी गाडी क्र. ०२७६५ (तिरुपति-अमरावती)ला आगामी एक एप्रिलपर्यंत मुदतवाढ मिळाली आहे.

याशिवाय आठड्यातून दर सोमवार व मंगळवारी धावणारी गाडी क्र. ०२७२० हैदराबाद-जयपुर ही गाडी आता ३१ मार्च पर्यंत कायम राहणार आहे. तसेच आठवड्यातून दर बुधवार आणि शुक्रवारी धावणारी ०२७१९ जयपुर-हैदराबाद ही गाडी आगामी २ एप्रिल पर्यंत धावणार आहे.