मोटरसायकलचा समोरासमोर भीषण अपघातात, एक ठार 1 गंभीर
By ऑनलाइन लोकमत | Published: August 12, 2018 12:17 PM2018-08-12T12:17:14+5:302018-08-12T12:18:08+5:30
तालुक्यातील वानखेड फाट्यावर 140 गाव पाणीपुरवठा योजनेच्या पाणी टाकीजवळ दोन मोटारसायकलची अमोरासमोर धडक झाल्याची घटना 11 ऑगस्ट च्या रात्री 11 वाजता घडली. या अपघातात
मोटरसायकलचा समोरासमोर भीषण अपघातात, एक ठार 1 गंभीर
Next संग्रामपूर (अकोला) - तालुक्यातील वानखेड फाट्यावर 140 गाव पाणीपुरवठा योजनेच्या पाणी टाकीजवळ दोन मोटारसायकलची अमोरासमोर धडक झाल्याची घटना 11 ऑगस्ट च्या रात्री 11 वाजता घडली. या अपघातात एक इसम घटनास्थळीच ठार झाला असून एकजण गंभीर जखमी आहे. गंभीर जखमीस अकोला येथे उपचारासाठी दाखल करण्यात आले आहे.
रामेश्वर बाबुराव टोपरे हे अकोट वरून MH 28 AW 6124 क्रमांकाच्या मोटरसायकलने वानखेड कडे जात होते. तर अर्जुन शहादेव पहुरकर हे MH 28 W 5313 मोटारसायकलने वानखेडवरुन भिलखेड जात असताना वानखेड फाट्याजवळ दोघांची समोरासमोर धडक झाली. यात रतन उर्फ अर्जुन शहादेव पहुरकर (38 वर्षे) याचा जागीच मृत्यू झाला. तर रामेश्वर बाबाराव टोपरे (35 वर्षे) हा गंभीर जखमी झाला आहे. मृतकाच्या पश्चात आई, वडील, पत्नी, 2 मुली व 1 मुलगा असा आप्त परिवार आहे. मृतकाच्या नातेवाईकांनी तांमगाव पो.स्टे.ला दिलेल्या तक्रारीवरुन अ. प.152/18 कलम 304 अ,338,427 नुसार टोपरे यांच्यावर गुन्हा दाखल करण्यात आला आहे.