रेल्वे इंजिनाच्या धडकेत पाच गायींचा मृत्यू

शेगाव येथील घटना; एक गाय गंभीर

शेगाव, दि. ६- भूसावळ येथून शेगावकडे येत असलेल्या रेल्वेच्या इंजिनाची धडक लागून पाच गायीं जागीच ठार झाल्यात तर एक गाय जखमी झाली. ही घटना शुक्रवारी सायंकाळी शेगाव-भुसावळ रेल्वे मार्गावर घडली.
आळसणा शिवारात रेल्वे लाइनच्या बाजुला नेहमीच गुरेढोरे चरत असतात. शुक्रवारी भुसावळकडून रेल्वे इंजिन शेगावच्या दिशेने येत असताना रेल्वेलाइन जवळ चरणार्‍या ६ गायी अचानक रेल्वे रूळावर आल्या. त्यामुळे त्यांना इंजिनची धडक लागली. या धडकेत ५ गायी जागेवरच मृत्युमूखी पडल्या, तर एक गाय गंभीर जखमी झाली. जखमी गायीला परिसरातील नागरीकांनी तात्काळ पशुवैद्यकीय दवाखान्यात पाठवले. घटनेबाबत रेल्वे पोलीस तपास करीत आहे.