विदेशी दारूचा साठा जप्त; दोघांना अटक

स्थानिक गुन्हे शाखा पोलिसांनी छापा घालून विक्रीसाठी जाणारा अवैध विदेशी दारूचा साठा जप्त केला.

लोकमत न्यूज नेटवर्क
अकोला: स्थानिक गुन्हे शाखा पोलिसांनी छापा घालून विक्रीसाठी जाणारा अवैध विदेशी दारूचा साठा जप्त केला. याप्रकरणी दोघा जणांना अटक केली. ही कारवाई रविवारी रात्री ९ वाजता ख्रिश्चन कब्रस्थान परिसरात करण्यात आली. स्थानिक गुन्हे शाखा पोलिसांनी दोन जण मोटारसायकलवर विदेशी दारूचा साठा नेत असल्याची माहिती मिळाली. पोलिसांनी ख्रिश्चन कब्रस्थानजवळ दारूचा साठा नेणाऱ्या सोनटक्के प्लॉटमधील शेख इकबाल शेख रशीद आणि भाजी बाजारात राहणारा मोहम्मद शबीब ऊर्फ पप्पू मोहम्मद रफिक यांना पकडले. त्यांच्याकडून विदेशी दारूच्या ८९ बाटल्या आणि मोटारसायकल जप्त केली. पोलिसांनी एकूण ६३ हजार ९00 रुपयांचा मुद्देमाल जप्त केला. स्थानिक गुन्हे शाखेचे पीएसआय शशिकरण नावकार यांच्या तक्रारीनुसार दोघांविरुद्ध गुन्हा दाखल करण्यात आला.