मॉर्निंग वॉकला जाणाऱ्या चौघांना वाहनाने चिरडले, 3 ठार 1 जखमी

अकोट ग्रामीण पोलीसांनी अपघातातील वाहन व आरोपी चालक पकडले. घटनेची संवेदनशीलता लक्षात घेता शांतता असुन पोलीस परिस्थितीवर लक्ष ठेवून आहेत.

ठळक मुद्देअकोट ग्रामीण पोलीसांनी अपघातातील वाहन व आरोपी चालक पकडले. घटनेची संवेदनशीलता लक्षात घेता शांतता असुन पोलीस परिस्थितीवर लक्ष ठेवून आहेत.

विजय शिंदे

अकोला/ अकोटः  मॉर्निंग वॉक करीता रस्ताने जात असतांना बेदारकपणे वाहन चालविणाऱ्या चालकाने तीन जणांना चिरडले असुन शालिग्राम राऊत, गजानन  नेमाडे, उत्तम नाठे यांचा मृत्यु झाला आहे. तर आनंद बोरोडेगंभीर जखमी आहे. सदर घटना अकोट-अंजनगाव रोड वर सकाळी घडली. अकोट ग्रामीण पोलीसांनी वाहन व चालकास पकडले आहे.

अकोट शहरातील नागरिक दररोज सकाळी मॉर्निंग वॉकवर जात होते, वाहन आल्यास रस्त्याच्या बाजूला होत. पंरतु आज सकाळी या रस्त्यावरुन जाताना एम एच २०डीइ ७४३३ क्रंमाकाचे टाटा एस ऑटोवाहन चालकांने निष्काळजीपणे,भरघाव बेदारकपणे वाहन चालवताना चौघांना धडक देत चिरडले यामध्ये एक जण घटनास्थळी ठार झाला, तर दोघांचा मृत्यु रुग्णालयात उपचारासाठी नेत असतांना झाला आहे. मृतक अकोट येथील शालिग्राम राऊत, गजानन  नेमाडे, उत्तम नाठे हे आहेत तर आनंद बोरोडे गंभीर जखमी असुन उपचार सुरु आहे. या अपघातात प्रसंगावधान राखल्याने अनेकांचे जीव वाचले आहेत.  घटनेची माहीती कळताच अकोट शहर व ग्रामीण पोलीसांनी घटनास्थळी घाव घेत परिस्थिती हाताळली. अकोट ग्रामीण पोलीसांनी अपघातातील वाहन व आरोपी चालक पकडले. घटनेची संवेदनशीलता लक्षात घेता शांतता असुन पोलीस परिस्थितीवर लक्ष ठेवून आहेत.