अकोला जिल्ह्यातील गुन्हेगारांची टोळी दाेन वर्षांसाठी हद्दपार; पोलीस अधीक्षक जी. श्रीधर यांचा आदेश

सन उत्सवामुळे कारवाई

अकोला : उरळ पाेलीस ठाण्याच्या हद्दीसह जिल्हयातील विविध भागात टाेळीने गुन्हे करणाऱ्या गायगाव येथील रहीवासी असलेल्या दाेन जणांच्या टाेळीला पोलीस अधीक्षक जी. श्रीधर यांच्या आदेशाने मंगळवारी जिल्ह्यातून दोन वर्षांसाठी हद्दपार करण्यात आले आहे. आतापर्यंत पोलीस अधीक्षकांच्या आदेशाने जिल्ह्यातील सुमारे १५९ पेक्षा अधिक टोळ्यांना हद्दपार करण्यात आले आहे.

उरळ पाेलीस ठाण्याच्या हद्दीत टाेळीने गुन्हे करणारे तसेच गायगाव येथील रहिवासी कैलास तुकाराम वानखडे (वय २८ वर्ष) व सुजित कैलास वानखडे (३०) हे दोघेजण शहरासह जिल्हयात टाेळीने गुन्हे करीत असल्याची माहीती पाेलीस अधीक्षक जी़ श्रीधर यांना मीळाली. या माहितीवरून या टाेळीतील गुन्हेगारांवरील गुन्हेगारीची मालिका पाहता पोलीस अधीक्षक जी. श्रीधर यांनी या टाेळीतील दाेन जणांविरुद्ध हद्दपारीचे प्रस्ताव सादर करण्याचे निर्देश दिले. यावरून उरळ पोलिसांनी या टाेळीतील दाेन गुन्हेगारांविरुद्ध दाखल असलेल्या गुन्ह्यांची माहिती पोलिसांकडे सादर केली.

उरळ पोलीस ठाण्यासह जिल्ह्याच्या विविध भागांत या गुन्हेगारी टाेळीतील दाेन जणांनी टोळीने अनेक गुन्हे केल्याचे समोर आले. त्यांच्यावर प्रतिबंधात्मक तसेच त्यांना सुधारण्यासाठी वारंवार कारवाई करण्यात आली. मात्र, दोन्ही गुन्हेगार पाेलिसांच्या या कारवाईला जुमानत नसल्याने पोलीस अधीक्षक जी. श्रीधर यांच्या आदेशाने त्यांना जिल्ह्यातून दोन वर्षांसाठी हद्दपार करण्यात आले आहे. पोलीस अधीक्षकानी हा आदेश मंगळवारी दिला असून, टोळीला जिल्ह्याच्या बाहेर काढण्यात आले आहे. ही कारवाइ पाेलीस अधीक्षक जी़ श्रीधर, अपर पाेलीस अधीक्षक माेनीका राउत यांच्या मार्गदर्शनाखाली उरळ पाेलिसांनी केली़.