जिल्हा परिषद सर्वसाधारण सभेतील मंजूर ठरावांवर आज सुनावणी!

अकोला : जिल्हा परिषद व पंचायत समित्यांच्या पोटनिवडणुकांच्या आचारसंहिता कालावधीत २३ जून रोजी जिल्हा परिषद सर्वसाधारण सभेत मंजूर करण्यात आलेल्या विविध ठरावांविरुध्द विरोधकांनी अमरावती विभागीय आयुक्तांकडे दाखल केलेल्या अपीलवर मंगळवार, २० जून रोजी विभागीय आयुक्त कार्यालयात सुनावणी होणार आहे.

जिल्हा परिषद व पंचायत समित्यांच्या रिक्त पदांच्या पोटनिवडणुकांसाठी पोटनिवडणुका होत असलेल्या संबंधित क्षेत्रात आचारसंहिता लागू करण्यात आली होती. आचारसंहिता कालावधीत २३ जून रोजी घेण्यात आलेल्या जिल्हा परिषदेच्या सर्वसाधारण सभेत विविध ठराव मंजूर करण्यात आले. आचारसंहितेच्या कालावधीत जिल्हा परिषदेच्या सर्वसाधारण सभेत विविध ठराव मंजूर करण्यात आल्याने आचारसंहितेचा भंग झाल्याची तक्रार करीत, यासंदर्भात जिल्हा परिषदेतील शिवसेनेचे गटनेता गोपाल दातकर व सदस्य डाॅ. प्रशांत अढाऊ यांनी अमरावती विभागीय आयुक्तांकडे अपील दाखल केले. या अपीलवर २० जून रोजी अमरावती विभागीय आयुक्त कार्यालयात सुनावणी घेण्यात येणार आहेत. या सुनावणीत विभागीय आयुक्तांकडून काय आदेश देण्यात येतो, याकडे जिल्हा परिषद वर्तुळाचे लक्ष लागले आहे.