रवींद्र इंगळे पुरस्काराने सन्मानित

-----------------------------------

गव्हाचे पीक बहरले!

पांढूर्णा : यंदा परिसरात गव्हाची पेरणी कमी झाली असली, तरी सध्या गव्हाचे पीक बहरलेले आहे. रब्बी हंगामात शेतकऱ्यांनी हरभऱ्याला पसंती दिली असून, हरभऱ्याची पेरणी मोठ्या प्रमाणात झाली आहे.

------------------------------

नांदखेड-व्याळा रस्त्याचे काम संथ गतीने

बाळापूर : नांदखेड-व्याळा रस्त्याचे काम संथ गतीने सुरू असल्याने नागरिक त्रस्त झाले आहे. रस्त्यावर खडी परसली असल्याने वाहनचालकांना प्रवास करताना कसरत करावी लागत आहे. त्यामुळे रस्त्याचे काम त्वरित पूर्ण करण्याची मागणी होत आहे.

------------------------

तेल्हारा शहरात घाणीचे साम्राज्य

तेल्हारा : शहरात उघड्यावर कचरा फेकला जात असल्याने घाणीचे साम्राज्य निर्माण झाले आहे. याकडे न.प.चे दुर्लक्ष होत असल्याचे चित्र आहे. त्यामुळे शहरात दुर्गंधी पसरली असून, नागरिकांचे आरोग्य धोक्यात सापडले आहे.

---------------------

चिखलगाव येथे प्रचाराला वेग

चिखलगाव : निवडणुकीचे चित्र स्पष्ट झाल्याने गावात प्रचाराला वेग आला आहे. रात्रीच्या सुमारास बैठकांना वेग आला आहे. दरम्यान, रात्रीच्या वेळी पथदिवे बंद असल्याने नागरिकांमधून नाराजीचा सूर उमटत आहे.

----------------------

दोन बिबट्यांचा मृत्यू; चौकशी थंड बस्त्यात

खेट्री : परिसरात शॉक लागून दोन बिबट्यांचा मृत्यू झाल्याचे उत्तरीय तपासणी अहवालामध्ये निष्पन्न झाले, तरी १५ दिवसांचा कालावधी उलटूनही या प्रकरणामध्ये गूढ कायम आहे. या प्रकरणाची चौकशी थंडबस्त्यात असल्याचे चित्र आहे.

------------------------------

८ जागांसाठी २१ उमेदवार रिंगणात

वरूर जऊळका : गावात प्रचाराला वेग आला असून, विविध विकासाचे प्रलोभन दाखवून उमेदवार मतदाराचे दारी जात असल्याचे चित्र आहे. वरूर, विटाळी गट ग्रामपंचायत सदस्य संख्या ९ असून एकाची निवड अविरोध निश्चित झाल्याने ८ जागांसाठी २१ उमेदवार रिंगणात आहेत.

-------------------------

तंत्रनिकेतन पदविका प्रवेशासाठी मुदतवाढ

मूर्तिजापूर : तंत्रनिकेतन पदविका अभ्यासक्रमास प्रवेश घेण्यास मुदतवाढ मिळाली असून, इच्छुक विद्यार्थी १५ जानेवारीपर्यंत प्रवेश घेऊ शकतात. प्रवेशासाठी संस्थेत संपर्क साधण्याचे आवाहन शासकीय तंत्रनिकेतनचे प्राचार्य डॉ.ए.ए. गुल्हाने यांनी केले आहे.

----------------------------------

दिग्रस-चान्नी रस्त्याची दुरवस्था

दिग्रस बु.: दिग्रस बु.-चान्नी रस्त्याची अत्यंत दयनीय अवस्था झाली असून, वाहनचालक त्रस्त झाले आहे. याकडे संबंधित विभागाने लक्ष देऊन रस्त्याची दुरुस्ती करण्याची मागणी वाहनचालकांकडून होत आहे.

----------------------------

हरभऱ्यावर अळीचा प्रादुर्भाव

बोरगावमंजू : यंदा मुबलक पाणी असल्याने परिसरात हरभऱ्याचे पेरणी क्षेत्र वाढले आहे. पहाटेच्या सुमारास पडत असलेल्या धुक्यामुळे हरभऱ्यावर अळीचा प्रादुर्भाव वाढला आहे. अळीवर नियंत्रण मिळविण्यासाठी शेतकरी फवारणी करीत असल्याचे चित्र आहे.

----------------------------

कंचनपूर-हातरूण रस्त्यावर खड्डेच खड्डे

हातरूण : परिसरातील कंचनपूर-हातरूण रस्त्यावर खड्डेच खड्डे पडल्याने किरकोळ अपघाताच्या घटनांमध्ये वाढ झाली आहे. याकडे संबंधित विभागाने लक्ष देऊन रस्त्याची दुरुस्ती करण्याची मागणी होत आहे.