जामठी बु. ध्वजारोहण उत्साहात

----------------------

दानापूर येथे स्वातंत्र्य दिन साजरा

दानापूर : ग्रामपंचायत कार्यालयात स्वातंत्र्य दिन उत्साहात साजरा करण्यात आला. कार्यक्रमात ध्वजारोहण सपना धम्मपाल वाकोडे यांच्या हस्ते करण्यात आले. यावेळी उपसरपंच सागर ढगे, ग्राम पंचायत सदस्य, कर्मचारी उपस्थित होते. हनुमान प्रसाद शहा जनता विद्यालयात वसंतराव चवडकार यांच्या हस्ते ध्वजारोहण करण्यात आले. यावेळी मुख्याध्यापक डाबरेंसह शिक्षक, शिक्षिका उपस्थित होत्या. प्राथमिक आरोग्य केंद्र येथे डॉ.योगेश प्रभे यांच्या हस्ते ध्वजारोहण करण्यात आले. यावेळी डॉ. कल्याणी उखळकर व प्राथमिक आरोग्य केंद्राचे कर्मचारी उपस्थित होते, तसेच महावितरणच्या कार्यालयात कनिष्ठ अभियंता गजानन तायडे यांच्या हस्ते ध्वजारोहण करण्यात आले. जिल्हा परिषद मुलांची शाळा येथे शाळा व्यवस्थापन अध्यक्ष महादेव वानखडे यांच्या हस्ते पूजन, तर मुख्याध्यापक विश्वेश्वर पातुर्डे यांच्या हस्ते ध्वजारोहण करण्यात आले. कार्यक्रमात तंबाखूमुक्त परिसर व स्वच्छ परिसर करण्याची शपथ घेण्यात आली. यावेळी शाळा व्यवस्थापन समितीचे अध्यक्ष संजय हागे उपाध्यक्ष व सदस्य उपस्थित होते.