किसनराव सोळंके यांचे निधन

मूर्तिजापूर : तालुक्यातील हेंडज येथील रहिवासी किसनराव झिंगूजी सोळंके (७५) यांचे १२ मार्च रोजी सकाळी १० वाजता वृद्धापकाळाने निधन झाले. त्यांच्या पश्चात दोन मुले, नातवंडे असा बराच मोठा आप्त परिवार आहे. ते सामाजिक कार्यकर्ते फुलसिंग सोळंके यांचे वडील होत. (फोटो)

-------------------------------

घुसर येथे कायमस्वरूपी ग्रामसेवकाची नियुक्ती करा

अकोला : तालुक्यातील घुसर येथे ग्रामसेवक कायमस्वरूपी नसल्याने घुसर, अलियाबाद या गावातील नागरिक त्रस्त झाले असून, कामकाज खोळंबले आहे. त्यामुळे घुसर येथे कायमस्वरूपी ग्रामसेवकाची नियुक्ती करा, अशी मागणी संदेश सुरेश गोपनारायण यांनी जि.प. सीईओंना दिलेल्या निवेदनातून केली आहे.

-------------------------

नया अंदुरा येथे आणखी एक पॉझिटिव्ह

नया अंदुरा : जिल्ह्यात कोरोनाचा उद्रेक सुरूच असून, दिवसेंदिवस कोरोनाबाधित रुग्णांची संख्या झपाट्याने वाढत आहे. शुक्रवारी आणखी एकाचा अहवाल कोरोना पॉझिटिव्ह आढळल्याने नागरिकांमध्ये भीतीचे वातावरण आहे.

-------------------------------------

तेल्हारा तालुक्यात कोरोनाचा उद्रेक

तेल्हारा : तालुक्यात कोरोनाचा उद्रेक सुरूच असून, जीएमसीच्या सकाळच्या अहवालात आणखी २३ जणांचा अहवाल पॉझिटिव्ह आढळून आला आहे. कोरोनाचा प्रादुर्भाव रोखण्यासाठी त्रिसूत्रीचे पालन करण्याचे आवाहन आरोग्य विभागाने केले आहे.