मालमत्तेला लावले कुलूप

वाहनांचा लिलाव करा !

अकाेला : महापालिकेच्या माेटरवाहन विभागात माेठ्या संख्येने जुनी वाहने भंगार अवस्थेत पडून आहेत. या वाहनांचा लिलाव हाेत नसल्यामुळे आवारात भकास चित्र पहावयास मिळते. यामध्ये २००१ साली खरेदी करण्यात आलेल्या सीटी बसेसचा समावेश आहे. यापैकी बहुतांश वाहनांमधील साहित्य लंपास झाल्याची माहिती आहे. मनपाने पुढाकार घेऊन या वाहनांचा लिलाव करण्याची गरज आहे.

पथदिव्यांची उभारणी करा !

अकाेला : महापालिका कार्यालयातील जुने विद्युत साहित्य काढून त्याऐवजी नवीन विद्युत साहित्य लावण्यात आले. नवीन साहित्यामुळे विद्युत देयकांत बचत हाेणार असल्याचा दावा प्रशासनाकडून केला जात आहे. दरम्यान, शहरातील टिळक राेड, खालेश्वर, नेकलेस रस्त्यावरील पथदिवे तातडीने लावण्याची गरज असताना ही कामे संथगतीने हाेत आहेत. ते काम तातडीने पूर्ण करण्याची मागणी हाेत आहे.

उमरी रस्त्यालगतची नाली बुजवली !

अकाेला : उमरी परिसरातील मुख्य मार्गावरील पेट्राेल पंपासमाेर मुख्य नाली बुजविण्यात आल्यामुळे परिसरातील रेस्टाॅरंट, रहिवासी इमारतींमधील सांडपाणी रस्त्यात साचत असल्याचे चित्र आहे. या रस्त्यावरून महापाैर अर्चना मसने दरराेज ये-जा करतात. मनपाच्या आराेग्य निरीक्षकांचे या समस्येकडे दुर्लक्ष हाेत असल्याने स्थानिक रहिवासी त्रस्त झाले आहेत.

भंगार साहित्याचा उभारला ढिग

अकाेला : जिल्हा परिषदेच्या अखत्यारित असलेल्या रतनलाल प्लाॅट चाैकातील उर्दू शाळेच्या आवारात स्थानिक रहिवाशांनी माेठ्या प्रमाणात अतिक्रमण उभारल्याचे समाेर आले आहे. व्यावसायिक उद्देशातून भंगार साहित्याचे पाेते याठिकाणी ठेवण्यात आले आहेत. यासंदर्भात जिल्हा परिषद प्रशासनाने कारवाई करण्याची मागणी स्थानिक रहिवाशांनी निवेदनाद्वारे केली आहे.

दाेन दिवसांत ३ काेटींची वसुली

अकाेला : महापालिकेच्या टॅक्स विभागाने ३० व ३१ जुलै या दाेन दिवसांत अकाेलेकरांच्या खिशातून ३ काेटी १२ लाख रुपयांचा कर वसूल केला. प्रशासनाने अकाेलेकरांना शास्ती अभय याेजनेसाठी ३१ जुलैपर्यंत मुदत दिली हाेती. शेवटच्या दिवशी अकाेलेकरांनी १ काेटी २६ लाख रुपयांचा भरणा केला. दरम्यान, प्रशासनाने शास्ती अभय याेजनेला मुदतवाढ देण्याची मागणी समाेर आली आहे.