प्रेमी युगुलाचा रेल्वेखाली आत्महत्येचा प्रयत्न; युवकाचा मृत्यू, युवती गंभीर 

अकोला: हरिहरपेठेतील रहिवासी एका प्रेमी युगुलाने गायगाव परिसरात रेल्वे रुळावर रेल्वेखाली उडी घेऊन आत्महत्येचा प्रयत्न केल्याची घटना सोमवारी सायंकाळी घडली.

ठळक मुद्देदेवीदास गोपाल धकिते (२२) व याच परिसरातील रहिवासी रिना गणेश हेडाऊ या दोघांचे प्रेमसंबंध होते. सायंकाळच्या सुमारास रेल्वेखाली उडी घेऊन सोबतच आत्महत्येचा प्रयत्न केला. यामध्ये युवक रेल्वेखाली आल्याने त्याचा जागेवरच मृत्यू झाला आहे, तर युवती दूर फेकल्या गेल्यामुळे ती गंभीर जखमी झाली.

अकोला: हरिहरपेठेतील रहिवासी एका प्रेमी युगुलाने गायगाव परिसरात रेल्वे रुळावर रेल्वेखाली उडी घेऊन आत्महत्येचा प्रयत्न केल्याची घटना सोमवारी सायंकाळी घडली. युवकाचा जागेवरच मृत्यू झाला असून, युवती गंभीर जखमी झाली आहे. तिच्यावर शासकीय रुग्णालयात उपचार करण्यात येत आहेत.
हरिहरपेठेतील रहिवासी देवीदास गोपाल धकिते (२२) व याच परिसरातील रहिवासी रिना गणेश हेडाऊ या दोघांचे प्रेमसंबंध होते; मात्र त्यांच्या प्रेमाला दोघांच्या कुटुंबीयांकडून विरोध असल्याची माहिती आहे. कुटुंबीयांच्या विरोधामुळे सोबत राहता येत नसल्याने या प्रेमी युगुलाने सोमवारी दुपारीच गायगाव रोडवरील बाराखोली परिसर गाठला. या ठिकाणी बराच वेळ सोबत राहिल्यानंतर त्यांनी सायंकाळच्या सुमारास रेल्वेखाली उडी घेऊन सोबतच आत्महत्येचा प्रयत्न केला. यामध्ये युवक रेल्वेखाली आल्याने त्याचा जागेवरच मृत्यू झाला आहे, तर युवती दूर फेकल्या गेल्यामुळे ती गंभीर जखमी झाली आहे. या युवतीच्या पायाला जबर दुखापत झाली आहे. प्रेमी युगुलाने रेल्वेखाली उडी घेऊन आत्महत्येचा प्रयत्न केल्याची माहिती डाबकी रोड पोलिसांना मिळताच त्यांनी तातडीने घटनास्थळ गाठले. त्यानंतर छिन्नविच्छिन्न अवस्थेत असलेला युवकाचा मृतदेह उत्तरिय तपासणीसाठी सर्वोपचार रुग्णालयामध्ये पाठविला, तर गंभीर जखमी असलेल्या मुलीलाही उपचारासाठी तातडीने रुग्णालयात रवाना केले. या युवतीवर उपचार करण्यात येत असून, तिची प्रकृती धोक्याबाहेर असल्याची माहिती वैद्यकीय सूत्रांनी दिली. या दोघांच्या कुटुंबीयांचा त्यांच्या प्रेमाला विरोध असल्यामुळेच त्यांनी आत्महत्येसारखा टोकाचा निर्णय घेतल्याची माहिती पोलीस सूत्रांनी दिली. या प्रकरणी डाबकी रोड पोलीस ठाण्यात आकस्मिक मृत्यूची नोंद करण्यात आली आहे. या प्रकरणाचा तपास डाबकी रोड पोलिसांनी सुरू केला असून, दोघांच्या आत्महत्येचा प्रयत्न करण्यामागे नेमके काय कारण आहे, याचा शोध पोलिसांनी सुरू केला आहे.
 
याच ठिकाणी घडले अमित-प्रतीक्षा हत्याकांड
हरिहरपेठेतील प्रेमी युगुलाने बारा खोली परिसरात रेल्वे रुळावर ज्या ठिकाणी आत्महत्येचा प्रयत्न केला, त्याच ठिकाणावर अमित-प्रतीक्षा हत्याकांड घडल्याची माहिती पोलिसांनी दिली. या प्रेमी युगुलाच्या आत्महत्येच्या प्रयत्नामुळे याच ठिकाणी घडलेले अमित-प्रतीक्षा हत्याकांड चर्चेत आले आहे.