मूर्तिजापूर तालुक्यात १५ पैकी १० गावांमध्ये महिलाराज

मूर्तिजापूर : तालुक्यातील १५ ग्रामपंचायतींच्या सरपंच व उपसरपंच पदाची निवडणूक ११ फेब्रुवारी रोजी पार पडली. त्यापैकी ८ सरपंच व १० उपसरपंचांची बिनविरोध निवड झाली. १० गावांमध्ये महिला सरपंचपदी व गावांमध्ये महिला उपसरपंच पदी विराजमान झाल्या.

तालुक्यातील ८६ पैकी ४४ ग्रामपंचायतींचे महिला सरपंचपद महिलांसाठी राखीव होते. यावेळी निवडणूक झालेल्या २९ ग्रामपंचायतींपैकी सोनोरी (बपोरी) व मोहखेड या दोन ग्रामपंचायतींची निवडणूक बिनविरोध पार पडली. १४ ग्रामपंचायतींच्या सरपंच व उपसरपंच पदाची निवडणूक ९ फेब्रुवारी रोजी झाली. उर्वरित १५ ग्रामपंचायत सरपंच, उपसरपंच पदासाठी गुरुवारी निवडणूक घेण्यात आली. या निवडणुकीत कवठा सोपीनाथच्या सरपंचपदी अतुल सुभाषराव बाजड व उपसरपंचपदी शुभांगी प्रशिक मेश्राम यांची निवड झाली. जामठी बु. सरपंचपदी अर्चना संदीप तायडे व उपसरपंचपदी विलास अवधूत गुल्हाने यांची निवड झाली. धामोरी बुद्रूकच्या सरपंच पुष्पा सतीश निलखन, उपसरपंच विजय पांडुरंग चतुरकर, कार्ली सरपंच लताताई ज्ञानेश्वर विटीवाले व उपसरपंच प्रभाताई भगवान वानखडे, राजुरा घाटे सरपंचपदी बंडू रामभाऊ घाटे व उपसरपंचपदी रमेश झिंगाजी इंगळे, खांदला सरपंचपदी सविता राजकुमार पंडित व उपसरपंच माधुरी विलास पिंपळे, धानोरा पाटेकर सरपंच मोनिका अक्षय म्हसाये व उपसरपंच मंगला देवानंद उके, निंभा सरपंच जयश्री प्रदीप फुके व उपसरपंच अनुप प्रभाकर फुके, विराहीत सरपंच ज्ञानेश्वर लक्ष्मण पाटील व मनोज अरुण राऊत यांची निवड झाली. मोहखेड सरपंचपदी सुवर्णा चंद्रशेखर लांडे व उपसरपंच श्रीधर अनिल कांबे, कंझरा सरपंच अनिता चंद्रकात टोम्पे व उपसरपंच नीलेश शंकरराव गिरी, अनभोरा सरपंच चंद्रकला श्रीराम भगत व उपसरपंच पंचफुला रामदास जाधव व, हातगाव सरपंच अक्षय जितेंद्र राऊत व उपसरपंच वंदना विजय अनभोरे, चिखली सरपंच किशोर देवराव राऊत व उपसरपंच किरण प्रदीप सवाई आणि बपोरीच्या सरपंचपदी मोनिका पंकज खंडारे व उपसरपंचपदी राम बाबुराव खंडारे यांची निवड झाली आहे. निवडणुकांचे अध्यासी अधिकारी म्हणून मंडळ अधिकारी रामराव जाधव, विस्तार अधिकारी पंडित राठोड, बंडू पजई, सुरेश तिजारे, मंडळ अधिकारी अनिल बेलाडकर, विस्तार अधिकारी विलास चव्हाण, मंडळ अधिकारी महेश नागोलकर, विस्तार अधिकारी मनोज बोपटे, युवराज अंभोरे, विजय किर्तने, मंडळ अधिकारी सुनील डाबेराव, रावसाहेब पाटेकर, सदानंद देशपांडे, राजेंद्र जाधव, मानोहर ननीर यांनी काम पाहिले.

फोटो:

सरपंच व उपसरपंच बिनविरोध

धामोरी बु, कार्ली, निंभा, विराहीत, मोहखेड, कंझरा, अनभोरा, चिखली येथील सरपंच तर धामोरी, कार्ली, राजुरा घाटे, खांदला, निंभा, विराहीत, मोहखेड, कंझरा, अनभोरा, चिखली येथील उपसरपंच अविरोध निवडून आले आहेत.