दुचाकीच्या धडकेत एक जखमी; गुन्हा दाखल

उरळ: कळंबी-घूई मार्गाने पायी जात असलेल्या व्यक्तीस एका दुचाकीस्वाराने धडक दिल्याने एक जण गंभीर जखमी झाल्याची घटना दि.६ एप्रिल रोजी घडली होती. याप्रकरणात दिलेल्या फिर्यादीवरून दुचाकीस्वारावर दि.१३ एप्रिल रोजी उरळ पोलिसांनी गुन्हा दाखल केला आहे.

शेगाव तालुक्यातील घुई येथील रहिवासी ज्ञाानदेव घुईकर हे जिल्हा मध्यवर्ती सहकारी बँकेत काम आटपून परत घुई येथे कळंबी-घुई मार्गाने पायी जात असताना आरोपी मोटारसायकल क्र. (एमएच ३० एएस ५५४०) या चालकाने वाहन भरधाव वेगात निष्काळजीपणे चालवून ज्ञाानदेव घुईकर यांना धडक दिली. अपघातात ज्ञाानदेव घुईकर गंभीर जखमी झाले. मोटरसायकलस्वार घटनास्थळावरून फरार झाला. दिलेल्या फिर्यादीवरून चालकावर उरळ पोलीस स्टेशनमध्ये भा.दं. वि.च्या २७९, ३३७ अन्वये गुन्हा दाखल केला आहे. याप्रकरणात ठाणेदार अनंत वडतकार, जमादार एकनाथ चिंचोलकर व पो. कॉ हरिहर इंगळे तपास करीत आहेत.

-------------------------

डोंगरगाव येथे दारू जप्त; गुन्हा दाखल

उरळ : डोंगरगाव येथील प्रल्हाद पुंजाजी वाघमारे हा लोहारा पुलाजवळ दि. १३ एप्रिल रोजी गावठी दारू काढीत असताना पोलसांनी त्याला रंगेहाथ पकडले. त्याच्या जवळून गावठी दारू व साहित्य जप्त केले. आरोपी विरुद्ध ६५ ( ई ) म. प्रो ॲक्टनुसार कारवाई केली.