अकोटात एक किलो गांजा जप्त : आणखी आरोपी असण्याची शक्यता

जिल्हा पोलीस अधीक्षक जी . श्रीधर यांच्या अकोला येथील विशेष पथकाने मिळालेल्या माहितीवरून अकोट शहरात सापळा रचला. यावेळी शहरातील मच्छी मार्केटजवळ दिलीपसिंह भदोरिया रा. अकोट हा त्यांचेजवळ मादक अमली पदार्थ गांजा विक्री करीत असल्याचे आढळले. यावेळी रंगेहाथ गांजासह अटक करण्यात आली. त्यांचे विरूएनडीपीएस व कलम- २२० ब प्रमाणे गुन्हा नोंदविण्यात आला आहे. अकोट शहरात यापूर्वी एकाचे घरातून गांजा जप्त करण्यात आला होता. दरम्यान आरोपी भादोरीया हा गांजा कोणाला विक्री करत होता. त्याने हा गांजा कुठुन आणला, मोबाईल नेटवर्कनुसार या व्यवसाय अजुन किती आरोपी गुंतलेले आहेत, हे विशेष पथकाने उघड केले नाही. अंमलीप्रदार्थ तस्करी प्रकरणात जिल्हा पोलीस अधिक्षक जी. श्रीधर यांनी लक्ष घालणे गरजेच आहे.