पेट्रोलचा टँकर उलटला!

ठळक मुद्दे अनर्थ टळला!

लोकमत न्यूज नेटवर्क
बोरगाव मंजू: मुंबई-नागपूर राष्टÑीय महामार्गावर पातूर फाट्यावर पेट्रोल-डिझेलचा टँकर उलटल्याची घटना ६ आॅगस्टच्या सकाळी १० वाजताच्या दरम्यान घडली.
अकोल्याहून अमरावतीकडे जाणारा एमएच-३० एल १२७१ क्रमांकाचा टँकर चालकाने नियंत्रण सुटल्यामुळे टँकर रस्त्याच्या बाजूला खाली जाऊन उलटला; परंतु सुदैवाने कसलीही

जीवितहानी झाली नाही. या टँकरमध्ये डिझेल व पेट्रोल होते. त्याला अपघात झाला.
मात्र, सुदैवाने काही अनर्थ घडला नाही. हे वृत्त लिहीपर्यंत सदर टँकरमधून डिझेल व पेट्रोलची गळती सुरूच होती. मूर्तिजापूर व बोरगाव मंजू येथील पोलीस घटनास्थळी दाखल

झाले. तसेच अकोला येथील अग्निशामक दलालाही पाचारण करण्यात आले होते. त्यानंतर सदर टँकरला वर काढण्यासाठी जेसीबी मशीनदेखील पोहोचली होती.