निर्यातीचं नियोजन करा, बाजार समितीला दोन कोटी देऊ-बच्चू कडू

कार्यक्रमामध्ये १८९९ मध्ये कापूस व्यवहार, १९५७ मध्ये धान्य बाजार व १९९३ मध्ये गुरांचा बाजार सुरू करणाऱ्या, १६२ गावे समाविष्ट असणाऱ्या व नवीन वर्गवारीत 'अ' वर्गात गेलेल्या या बाजार समितीच्या आजवरच्या शेतकरी कल्याणाच्या ऐतिहासिक कार्याची माहिती ॲड. भैयासाहेब तिडके यांनी अध्यक्षीय भाषणातून दिली. शेतकरी, खरेदीदार व इतरांच्या सुविधेसाठी बाजार समितीच्या आवारात पेट्रोल पंप निर्माणाधीन असल्याचे तसेच शेतकऱ्यांच्या कुठल्याही अडचणीत त्यांची सोय करून देण्यासाठी बाजार समिती प्रयत्नशील असल्याचेही त्यांनी सांगितले. यावेळी माजी आमदार, ज्येष्ठ सहकार नेते तथा कृउबास सभापती ॲड.भैयासाहेब तिडके अध्यक्षस्थानी होते. उपसभापती गणेशराव महल्ले, अप्पू तिडके, राजू कांबे, नरेश विल्लेकर, राम कोरडे, जगदीश मारोटकर, श्रीकृष्ण बोळे, सुनील पवार, सागर कोरडे, संजय नाईक, बबन डाबेराव, विनायक गुल्हाने, कुमार कांबे, विष्णू लोडम, संतोष इंगोले, दिनकर इसळ, बंडू पाटील लांडे, सर्व कृउबास संचालक, काँग्रेस, राष्ट्रवादी काँग्रेस, शिवसेना, प्रहारचे पदाधिकारी व कार्यकर्ते उपस्थित होते. संचालन कृउबास संचालक दिवाकर गावंडे यांनी केले.

फोटो: