गोरक्षण रोडवरील जुगार अड्डय़ावर पोलिसांचा छापा

गोरक्षण रोडवरील आर. टी. शाह हाउसमध्ये सुरू असलेल्या जुगार अड्डय़ावर स्थानिक गुन्हे शाखेच्या पोलिसांनी मंगळवारी रात्री छापा टाकला.

लोकमत न्यूज नेटवर्क
अकोला : गोरक्षण रोडवरील आर. टी. शाह हाउसमध्ये सुरू असलेल्या जुगार अड्डय़ावर स्थानिक गुन्हे शाखेच्या पोलिसांनी मंगळवारी रात्री छापा टाकला. या छाप्यामध्ये पोलिसांनी सात जणांना अटक केली असून, त्यांच्याजवळून ६३ हजार ८८0 रुपयांचा ऐवज जप्त केला.
जुगार अड्डा सुरू असल्याच्या माहितीवरून पोलिसांनी आर.टी.शाह हाउस (जंत्री ऑफीस) या ठिकाणावर छापा टाकला. या छाप्यामध्ये राजेश जगदीश बदोडे (४७, रा. दगडी पूल, विरानिया कम्पाउंड), अयुब खान युसूफ खान (५५, रा. नवीन तारफैल), रामदास जगन्नाथ साखरे (७२, रा. गोडबोले प्लॉट), संजय ओंकार धुमोने (४0, रा. जुने शहर), घनश्याम पुंडलीक भाकरे (६६, रा. अयोध्यानगर, जुने शहर), चेतन शशिकांत शहा (३२, रा. गोरक्षण रोड), जितेंद्र रमेशचंद्र गणात्रा (३८, रा. मराठानगर) या सात जणांना अटक केली. त्यांच्याकडून १४ मोबाइल, दोन दुचाकी व रोख, असा एकूण ६३ हजार ८८0 रुपये जप्त करण्यात आले. ही कारवाई पोलीस अधीक्षक राकेश कलासागर यांच्या नेतृत्वात स्थानिक गुन्हे शाखेने केली.