दुचाकी अपघातात पोलीस शिपाई ठार; एक जण जखमी 

Murtijapur Accident News : निलेश रमेश डाबेराव (४०) रा. सांगवा मेळ असे मृत्यू झालेल्या इसमाचे नाव आहे.

मूर्तिजापूर : चिखली गावाजवळ दुचाकी अपघातात एक इसम गंभीर जखमी होऊन त्याचा मृत्यू झाल्याची घटना गुरुवारी संध्याकाळी ५:३० वाजताच्या दरम्यान घडली निलेश रमेश डाबेराव (४०) रा. सांगवा मेळ असे मृत्यू झालेल्या इसमाचे नाव आहे. तर दुचाकीवर मागे बसलेले राहूल शंकर शिरसाठ (३८) रा. सांगवा मेळ हे किरकोळ जखमी झाले. 
          मूर्तिजापूर -कौलखेड मार्गाने मूर्तिजापूर वरुन  गावी परत जात असताना दुचाकीवरील नियंत्रण सुटल्याने भरधाव दुचाकी रस्त्याच्या कडेला असलेल्या झाडावर जाऊन धडकली या अपघात मुंबई पोलीस दलात असलेले निलेश डाबेराव हे  गंभीर जखमी झाले. त्यांना उपचारासाठी तातडीने अकोला येथे नेत असतानाच त्यांचा वाटेतच मृत्यू झाला. निलेश डाबेराव व राहूल शिरसाठ हे आपल्या एमएच ३० एएच ८७७० या क्रमांकाच्या दुचाकीने सांगवा मेळ या गावी जात असताना दुचाकीचा अपघात होऊन त्यात गंभीर जखमी झाले. घटनेची माहिती कळताच वंचित बहूजन आघाडी तालुका अध्यक्ष तथा सामाजिक कार्यकर्ते संजय नाईक यांनी तातडीने एका खासगी वाहनाच्या मदतीने अकोला येथे उपचारासाठी पाठविले असता निलेश डाबेराव यांचा वाटेतच मृत्यू झाला असून शवविच्छेदनासाठी मृतदेह येथील लक्ष्मीबाई देशमुख उपजिल्हा रुग्णालयात ठेवण्यात आले आहे. तर जखमी राहूल शिरसाठ यांच्यावर उपचार सुरू आहेत.