बिल न भरणाऱ्या १६७६ ग्राहकांचा वीजपुरवठा खंडित

या ग्राहकांकडे अनुक्रमे १ कोटी १० लाख, १९.२६ लाख आणि १०.५५ लाख रुपयांची थकबाकी आहे. कारवाईमुळे खंडित झालेला वीजपुरवठा सुरळीत करण्यासाठी वीज ग्राहकांना थकबाकीसह पुनर्जोडणी चार्जेसचा शिलकीचा दंड भरावा लागणार आहे.

कोरोनाकाळात वसुलीपेक्षा महावितरणने सेवेला प्राधान्य देत अखंडित वीजपुरवठा केला. परंतु या काळात अपवादात्मक ग्राहक वगळता वीज ग्राहकांनी वीजबिल भरण्याकडे पूर्णत: दुर्लक्ष केल्याने महावितरणसमोर आर्थिक संकट निर्माण झाले आहे. महावितरणसमोर आता वसुलीशिवाय पर्यायच शिल्लक नसल्याने ३० जूनपर्यंत ४३२ कोटींचे उद्दिष्ट पूर्ण करण्यासाठी महावितरणने कारवाईच्या मोहिमेला अधिक गती दिली आहे.

अकोला परिमंडळांतर्गत विविध वर्गवारीतील वीज ग्राहकांकडून ४३२ कोटी थकीत देयके वसूल करण्याचे उद्दिष्ट असताना परिमंडळात १ लाख ४१ हजार ३२० असे घरगुती ग्राहक आहेत त्यांच्याकडे प्रत्येकी ५ हजार आणि त्यापेक्षा जास्त रुपयांची थकबाकी आहे. हीच संख्या वाणिज्यिक ग्राहकांची १८,२३६ आणि औद्योगिक ग्राहकांची संख्या ५०२८ आहे. त्यांच्याकडे अनुक्रमे १६२ कोटी, २९ कोटी आणि २४ कोटी रुपयांची वीज देयकांची थकबाकी आहे.

जिल्हानिहाय थकबाकीदार घरगुती, वाणिज्यिक व औद्योगिक ग्राहकांमध्ये सर्वात जास्त म्हणजे ६८ हजार घरगुती ग्राहक हे बुलडाणा जिल्ह्याचे असून त्यांच्याकडे प्रत्येकी ५ हजार आणि त्यापेक्षा जास्त रुपये असे एकूण ७४ कोटी ७१ लाख वीज देयकाचे थकीत आहेत. तर वाणिज्यिक ग्राहकांची संख्या ही ७८२१ असून त्यांच्याकडे १२ कोटी थकले आहेत. औद्योगिक थकबाकीदारांची संख्या ही २३०० असून थकबाकी ही ९ कोटी ४० लाख आहे. अकोला जिल्ह्यात ५२,५०० घरगुती ग्राहकांकडे ६२ कोटींची वीज देयके थकली आहेत. ७२२० वाणिज्यिक ग्राहकांकडे १२ कोटींची वीज देयके थकली आहेत तर १७५२ औद्योगिक ग्राहकांकडे ७ कोटी ८२ लाख वीज देयकाचे थकले आहे. हीच संख्या वाशिम जिल्ह्यातील २० हजार ७३० घरगुती ग्राहकांकडे २५.२० कोटी, ३२०० वाणिज्यिक ग्राहकांकडे ५.३२ कोटी आणि औद्योगिक वर्गवारीतील ९८० ग्राहकांकडे ६.७४ लाख वीज देयकाचे थकीत आहेत.

वीज ग्राहक वीजबिल भरण्याला प्रतिसाद देत नसतील तर महावितरणला नाइलाजास्तव वीजपुरवठा खंडित करण्याची कारवाई करावी लागणार आहे. खंडित केलेला वीजपुरवठा सुरळीत करण्यासाठी ग्राहकांना रिकनेक्शन चार्जेस वेगळे भरावे लागणार असल्याने महावितरणची कटू कारवाई टाळण्यासाठी वीज ग्राहकांनी थकीत देयकांचा भरणा करून सहकार्य करावे.

- अनिल डोये, मुख्य अभियंता,

महावितरण अकोला परिमंडळ