मोठी उमरीतील जुगारावर छापा

अकोला : सिव्हिल लाईन्स पोलीस ठाण्याच्या हद्दीतील मोठी उमरी येथील जुगार अड्ड्यावर पोलीस अधीक्षक जी श्रीधर यांच्या विशेष पथकाने शुक्रवारी सायंकाळी छापा टाकला. या ठिकाणावरून तिघांना ताब्यात घेण्यात आले असून, त्यांच्याकडून रोख रकमेसह मुद्देमाल जप्त करण्यात आला आहे.

मोठी उमरी परिसरातील एका पान पॅलेस समोर मोठ्या प्रमाणात जुगार अड्डा सुरू असल्याची माहिती विशेष पथकाचे प्रमुख विलास पाटील यांना मिळाली. या माहितीवरून पाटील यांनी सापळा रचून छापा टाकला. या जुगार अड्ड्यावरुन योगेश सुरेश किर्तक वय २६ वर्ष राहणार गुडधी, प्रमोद शालिग्राम इंगळे वर्षे ४३ वर्ष व राहुल आनंदराव वरोकार वय ३४ वर्ष दोघेही राहणार मोठी उमरी यांना ताब्यात घेतले. त्यांच्याकडून रोख रकमेसह वरली मटकाचे साहित्य जप्त करण्यात आले आहे. याप्रकरणी तीनही जुगारीविरुद्ध सिव्हिल लाईन्स पोलीस ठाण्यात गुन्हा दाखल करण्यात आला आहे. ही कारवाई पोलीस अधीक्षक जी श्रीधर, अतिरिक्त पोलीस अधीक्षक मोनिका राऊत यांच्या मार्गदर्शनाखाली विशेष पथकाचे प्रमुख विलास पाटील व स्वाती इथापे यांनी केली.