पश्चिम वऱ्हाडातील रस्ते, जलयुक्त शिवारची चाैकशी

Akola News ७०० काेटी रुपयांतून तयार हाेणाऱ्या रस्त्यांची तसेच जलयुक्त शिवारमधील कामाची चाैकशी करण्याचे आदेश राज्य शासनाने जारी केले आहे.

ठळक मुद्देहायब्रिट ॲन्युइटीअंतर्गत पश्चिम वऱ्हाडातील रस्ते कामांचे भूमिपूजन केले हाेतेशेगाव ते अकाेला ते वाशिम या प्रमुख दिंडीमार्गाचा समावेश आहे.चाैकशीत काय निष्पन्न हाेते, याकडे सर्वांचे लक्ष लागले आहे.

- आशिष गावंडे

अकाेला:  पश्चिम वऱ्हाडातील अकाेला, वाशिम व बुलडाणा जिल्ह्यात हायब्रिट ॲन्युइटी अंतर्गत मंजूर झालेल्या सुमारे ७०० काेटी रुपयांतून तयार हाेणाऱ्या रस्त्यांची तसेच जलयुक्त शिवारमधील कामाची चाैकशी करण्याचे आदेश राज्य शासनाने जारी केले आहे. सार्वजनिक बांधकाम प्रादेशिक विभाग अमरावतीचे मुख्य अभियंता पी. डी. नवघरे यांना चाैकशी करून अहवाल सादर करण्याचे निर्देश ७ जानेवारी राेजी दिले आहेत. तत्कालीन सार्वजनिक बांधकाममंत्री चंद्रकांत पाटील यांनी २०१८ मध्ये हायब्रिट ॲन्युइटीअंतर्गत पश्चिम वऱ्हाडातील रस्ते कामांचे भूमिपूजन केले हाेते. यामध्ये प्रामुख्याने शेगाव ते अकाेला ते वाशिम या प्रमुख दिंडीमार्गाचा समावेश आहे. शिवसेनेचे विधान परिषद सदस्य गाेपीकिशन बाजाेरिया यांनी सदर रस्त्याच्या दर्जावर व शासनाकडून प्राप्त निधीवर प्रश्नचिन्ह उपस्थित करीत याविषयी शासनाकडे चाैकशीची मागणी केली हाेती. तसेच पश्चिम वऱ्हाडात जलयुक्त शिवार याेजनेच्या कामात माेठ्या प्रमाणात अनियमितता झाल्यामुळे या कामांचीही चाैकशी करण्याची मागणी त्यांनी केली हाेती. शासनाने अमरावती विभागातील मुख्य अभियंता पी. डी. नवघरे यांना रस्त्यांच्या चाैकशीचे निर्देश दिले आहेत. या चाैकशीत काय निष्पन्न हाेते, याकडे सर्वांचे लक्ष लागले आहे.

 

२५ लाख खिशात घालणारा काेण?

एकीकडे रस्त्याच्या गुणवत्तेवर प्रश्नचिन्ह उपस्थित केले जात असतानाच दुसरीकडे परभणी येथील संबंधित कंत्राटदाराकडून तब्बल २५ लाख रुपये उकळण्यात आल्याची धक्कादायक माहिती समाेर आली आहे. याप्रकरणी शासनाने चाैकशीचे आदेश दिल्यानंतरही २५ लाख खिशात घालणारा व्यक्ती काेण, असा सवाल उपस्थित झाला आहे.

 

दाेन्ही आमदारांत जुंपणार

हायब्रिड ॲन्युइटीअंतर्गत तयार हाेणाऱ्या रस्त्याचे बहुतांश काम शिवसेनेचे आ. नितीन देशमुख यांच्या बाळापूर मतदारसंघात हाेत आहे. यामध्ये पारस, निमकर्दा, गायगाव, गाेरेगाव ते माझाेड, भरतपूर, नकाशी, वाडेगाव ते पातूरचा समावेश असून आ. बाजाेरियांच्या तक्रारीमुळे रस्ते कामाला खीळ बसण्याची शक्यता आहे. तसे झाल्यास आगामी दिवसांत या दाेन्ही आमदारांत चांगलीच जुंपण्याची चिन्हे आहेत.

 

कंत्राटदारांची बांधकाममंत्र्यांकडे धाव

दरम्यान, याप्रकरणी संबंधित कंत्राटदारांनी सार्वजनिक बांधकाममंत्री अशाेकराव चव्हाण यांच्याकडे धाव घेऊन इत्थंभूत माहिती सादर केल्याचे बाेलल्या जात आहे.