तुळशिराम बाेबडे यांच्या अनुवादित पुस्तकाचे प्रकाशन

अकाेला : डाॅ. ज.पा. खाेडकेलिखित ‘सुभेदार तानाजी मालुसरे’ या मराठी पुस्तकाचा हिंदी अनुवाद तुळशिराम बाेबडे यांनी केला असून, त्यांच्या हिंदी संस्करण पुस्तकाचे प्रसिद्ध हास्यकवी घनश्याम अग्रवाल यांच्या हस्ते प्रकाशन करण्यात आले.

प्रकाशन साेहळ्याच्या अध्यक्षस्थानी ज्येष्ठ साहित्यिक शीला राजपूत हाेत्या. हिंदी अनुवादामुळे आता तानाजींचा इतिहास संपूर्ण देशात वाचला जाईल, असे प्रतिपादन घनश्याम अग्रवाल यांनी केले. प्रास्ताविक ज.पा. खाेडके यांनी केले. समाजसेवक, काेविडयाेद्धा खालीद बीन संस्थेचे उपाध्यक्ष इकबाल खान यांनी शुभेच्छा व्यक्त केल्या. डाॅ. ज.पा. खाेडके यांचे १६ वे, तर तुळशिराम बाेबडे यांचे पाचवे पुस्तक आहे. कार्यक्रमाला अंकुर साहित्य संघाचे जिल्हाध्यक्ष सुरेश लांडे, प्रा. माेहन काळे, शिवलिंग काटेकर, प्रेम पुराेहित, वासुदेवराव खाेपडे, प्रभाकर दिवनाले, प्रशांत भाेंडे, धीरज चावरे, गजानन छबिले यांची उपस्थिती हाेती. सूत्रसंचालन हिंमत ढाळे यांनी केले. आभार प्रा. संजय कावरे यांनी मानले.