एमआयडीसीतील जुगार अड्ड्यावर धाड

सहाजण अटकेत

अकोला : एमआयडीसी पोलीस ठाण्याच्या हद्दीतील एमआयडीसी परिसरात खुलेआम सुरू असलेल्या जुगार अड्ड्यावर दहशतवादविरोधी कक्षाचे प्रमुख विलास पाटील यांनी मंगळवारी (दि. २३) धाड टाकली. या ठिकाणावरून सहाजणांना अटक करण्यात आली असून, त्यांच्याकडून २० हजार रुपयांचा मुद्देमाल जप्त करण्यात आला आहे.

शिवनी परिसरातील गॅस गोडाऊनजवळ खुलेआम जुगार अड्डा सुरू असताना दहशतवादविरोधी पथकाने छापा मारून जावेद खान अब्बास खान, शेख जाकीर शेख कासम, दिलीप बन्सीलाल अग्रवाल, विश्वास श्रीराम वानखेडे, प्रमोद महादेव वाघ, शेख वसीम शेख रहीम (सर्व रा. शिवनी) यांना ताब्यात घेतले. त्यांच्याकडून रोख दहा हजार, तीन हजार रुपयांचा मुद्देमाल व इतर साहित्य असा एकूण १५ हजार रुपयांचा ऐवज जप्त करण्यात आला आहे. या प्रकरणी सदर जुगाऱ्यांविरुद्ध एमआयडीसी पोलीस ठाण्यात जुगार प्रतिबंधक कायद्यान्वये गुन्हा दाखल करण्यात आला आहे. ही कारवाई दहशतवादविरोधी कक्षाचे प्रमुख विलास पाटील व त्यांच्या पथकाने केली.