बाळापूरातील माेठ्या जुगार अड्ड्यावर छापा

अकाेला : बाळापूर पाेलीस ठाण्याच्या हद्दीतील बाळापूर शहरात माेठ्या प्रमाणात सुरु असलेल्या जुगार अड्ड्यावर दहशतवाद विरोधी पथकाने शनिवारी छापा टाकला. या जुगार अड्ड्यावरुन पाच जुगाऱ्यांना अटक करण्यात आली असून त्यांच्याकडून राेख रक्कम व मुद्देमाल जप्त करण्यात आला आहे.

बाळापूर शहरात माेठ्या प्रमाणात जुगार अड्डा सुरु असल्याच्या माहितीवरुन दहशतवाद विराेधी पथकाचे प्रमुख विलास पाटील व त्यांच्या पथकाने छापा टाकून धर्मेंद्र रामचंद्र सोनवणे वय ३५ रा बाळापूर, असलम खान हरून खान वय २९ रा वजिराबाद बाळापूर, सय्यद फारुख सय्यद अश्फाक वय ३५ रा कदारखेडा बाळापूर, संतोष राजाराम उमाळे वय ४० रा अकोला नाका बाळापूर व मोहम्मद मुस्ताक मोहम्मद अजीज वय ३१ रा सतरंजी पुरा बाळापूर या पाच जुगाऱ्यांना ताब्यात घेतले. त्यांच्याकडून राेख रक्कम व मुद्देमाल जप्त करण्यात आला आहे. या जुगारींविरुद्ध बाळापूर पोलीस स्टेशन येथे महाराष्ट्र जुगार बंदी कायदा अन्वये गुन्हा दाखल करण्यात आला आहे. ही कारवाई पोलीस अधीक्षक जी श्रीधर, अप्पर पोलीस अधीक्षक मोनिका राऊत यांच्या मार्गदर्शनाखाली पोलीस निरीक्षक विलास पाटील व त्यांच्या पथकाने केली.