आगर परिसरात पाऊस; पिकांना जीवदान

-------------------------

परतवाडा येथे साचले पाणी, आरोग्य धोक्यात

आगर: येथून दोन किलोमीटरवर असलेल्या परतवाडा गावात काही दिवसांपूर्वी झालेल्या पावसामुळे गावातील मुख्य चौकांमध्ये मोठ्या प्रमाणात पाणी साचल्याने तलावाचे स्वरूप आले आहे. नागरिकांसह चिमुकल्यांना रस्त्यावरून ये-जा करताना नाहक त्रासाला सामोरे जावे लागत आहे. तसेच परिसरात घाणीचे साम्राज्य निर्माण झाले आहे.

-------------------------------

माझोड येथील पोस्टमास्तर पद रिक्त

माझोड: अकोला तालुका अंतर्गत येणाऱ्या माझोड येथील पोस्टमास्तर पद गेल्या काही दिवसांपासून रिक्त आहे. येथील पोस्टमास्तर भावना जानोरकार यांची पदोन्नती झाल्यामुळे हे पद रिक्त झाले आहे. जानोरकार या मुख्य पोस्ट ऑफिसमध्ये पदोन्नतीने रुजू झाल्या आहेत. त्यामुळे पोस्टमन अजय वानखडे यांच्यावरच दोन्ही कामांचा भार आला आहे. डाक कधी वाटावी व पोस्टात येणारे ग्राहक कसे सांभाळावे, अशी तारांबळ उडत असून, त्यामुळे पद त्वरित भरावे, अशी मागणी होत आहे.

-----------------------------

महिलेस अश्लील शिवीगाळ ;तिघांविरुद्ध गुन्हा दाखल!

गायगाव: दारू पिऊन २७ वर्षीय महिलेच्या घरात घुसून धिंगाणा घालत अश्लील शिवीगाळ केल्याप्रकरणी महिलेच्या फिर्यादीवरून उरळ पोलिसांनी येथील तिघांविरुद्ध गुन्हा दाखल केला. गुरुवार, दि. ०८ जुलै रोजी येथील संतोष वानखडे (२५ ), अक्षय प्रकाश आगरकर (२२ ), संकेत पुरुषोत्तम भाकरे (२३ ) हे तिघे शंकर बांगर यांच्या घरात दारू पिऊन जाऊन अश्लील शिवीगाळ करीत घरात धिंगाणा घातला. या प्रकरणी फिर्यादी शिल्पा शंकर बांगर (२७) यांच्या तक्रारीवरून पोलिसांनी संतोष वानखडे,अक्षय आगरकर,संकेत भाकरे या तिघांविरुद्ध गुन्हा दाखल केला. पुढील तपास ठाणेदार अनंतराव वडतकर यांच्या मार्गदर्शनात बीट जमादार अनिल येणेवार करीत आहेत.

----------------------------------