तीन सुपरफास्ट विशेष गाड्यांचा पल्ला डिसेंबरपर्यंत वाढला

०२८११ लोकमान्य टिळक टर्मिनस-हटिया द्विसाप्ताहिक विशेष या गाडीला २ जानेवारी, २०२२ पर्यंत मुदतवाढ मिळाली आहे. ०२८१२ हटिया-लोकमान्य टिळक टर्मिनस द्विसाप्ताहिक विशेष ही गाडी ३१ डिसेंबरपर्यंत धावणार आहे. ४ ऑक्टोबरपर्यंत मुदत असलेली ०२८१८ पुणे-संत्रागाची साप्ताहिक विशेष ही गाडी आता २७ डिसेंबरपर्यंत रुळावर धावणार आहे. ०२८१७ संत्रागाची-पुणे साप्ताहिक विशेष गाडीला २५ सप्टेंबरपर्यंत मुदतवाढ देण्यात आली आहे. या गाड्या सध्या धावत असलेल्या वेळेवरच धावणार असून, केवळ आरक्षित तिकिटांवरच या गाड्यांमधून प्रवास करता येणार आहे.

साईनगर शिर्डी - हावडा १ जानेवारीपर्यंत

९ ऑक्टोबरपर्यंत धावण्याची मुदत मिळालेली ०२५९३ साईनगर शिर्डी-हावडा साप्ताहिक विशेष ही गाडी आता १ जानेवारी, २०२२ पर्यंत या दोन स्थानकांदरम्यान विशेष गाडी म्हणून धावत राहणार आहे. ०२५९४ हावडा-साईनगर शिर्डी साप्ताहिक विशेष या गाडीची मुदत ७ ऑक्टोबरपर्यंत होती. ही गाडी आता ३० डिसेंबरपर्यंत धावणार आहे.