अकोला जिल्ह्यातील ५३२ सरपंचपदांचे आरक्षण जाहीर!
By लोकमत न्यूज नेटवर्क | Published: February 2, 2021 10:28 AM2021-02-02T10:28:54+5:302021-02-02T10:29:03+5:30
Sarpanch Reservation सरपंचपदांचे आरक्षण सोमवार, १ फेब्रुवारी रोजी जिल्ह्यातील सातही तहसील कार्यालयांमध्ये जाहीर करण्यात आले.
अकोला जिल्ह्यातील ५३२ सरपंचपदांचे आरक्षण जाहीर!
लोकमत न्यूज नेटवर्क
अकोला : जिल्ह्यातील ५३२ ग्रामपंचायतींच्या सरपंचपदांचे आरक्षण सोमवार, १ फेब्रुवारी रोजी जिल्ह्यातील सातही तहसील कार्यालयांमध्ये जाहीर करण्यात आले. अनुसूचित जाती व अनसूचित जमाती प्रवर्गाच्या सरपंचपदांचे यापूर्वी जाहीर केलेले आरक्षण कायम ठेवून, नागरिकांचा मागासवर्ग प्रवर्ग (नामाप्र) व सर्वसाधारण प्रवर्गाच्या सरपंच पदांसाठी आरक्षण सोडत काढण्यात आली. त्यानुसार जिल्ह्यातील अनुसूचित जाती १२५, अनुसूचित जमाती ४५, नागरिकांचा मागासवर्ग प्रवर्ग (नामाप्र) १४४ व सर्वसाधारण प्रवर्गासाठी २१८ सरपंचपदे आरक्षित करण्यात आली.
जिल्ह्यातील सातही तालुक्यांतील मुदत संपलेल्या २२४ ग्रामपंचायतींच्या सार्वत्रिक निवडणुकीपूर्वी २०२० ते २०२५ या पाच वर्षांच्या कालावधीसाठी जिल्ह्यातील ५३२ ग्रामपंचायतींच्या सरपंचपदांचे प्रवर्गनिहाय आरक्षण जाहीर करण्यात आले होते; परंतु जाहीर करण्यात आलेले सरपंचपदांचे आरक्षण रद्द करून, ग्रामपंचायतींच्या सार्वत्रिक निवडणुकांचा निकाल जाहीर झाल्यानंतर तीस दिवसांच्या कालावधीत सरपंचपदांची आरक्षण सोडत नव्याने काढण्याचा आदेश शासनाच्या ग्रामविकास विभागाने दिला होता. त्यानुसार २२४ ग्रामपंचायतींच्या सार्वत्रिक निवडणुकांचे निकाल जाहीर झाल्यानंतर जिल्ह्यातील ५३२ ग्रामपंचायतींच्या सरपंचपदांचे प्रवर्गनिहाय आरक्षण १ फेब्रुवारी रोजी जिल्ह्यातील सातही तहसील कार्यालयांमध्ये जाहीर करण्यात आले. मुंबई उच्च न्यायालयाच्या औरंगाबाद खंडपीठाने दिलेल्या आदेशानुसार अनुसूचित जाती व अनुसूचित जमाती प्रवर्गाच्या सरपंचपदांचे यापूर्वी जाहीर केलेले आरक्षण कायम ठेवून, नागरिकांचा मागासवर्ग प्रवर्ग (नामाप्र) व सर्वसाधारण प्रवर्गाच्या सरपंच पदांसाठी आरक्षणाची सोडत जिल्ह्यातील तहसील कार्यालयांमध्ये काढण्यात आली व प्रवर्गनिहाय सरपंचपदांचे आरक्षण जाहीर करण्यात आले. त्यानुसार अनुसूचित जाती १२५, अनुसूचित जमाती ४५, नागरिकांचा मागासवर्ग प्रवर्ग १४४ व सर्वसाधारण प्रवर्गासाठी २१८ सरपंचपदे आरक्षित करण्यात आली.
महिला सरपंचपदांचे आरक्षण ३ फेब्रुवारीला!
जिल्ह्यातील ५३२ सरपंचपदांचे प्रवर्गनिहाय आरक्षण जिल्ह्यातील तहसील कार्यालयांमध्ये जाहीर झाल्यानंतर, जिल्ह्यातील महिला सरपंचपदांची आरक्षण सोडत ३ फेब्रुवारी रोजी जिल्हाधिकारी कार्यालयातील नियोजन सभागृहात काढण्यात येणार आहे.
तालुकानिहाय ग्रामपंचायती व सरपंचपदांचे प्रवर्गनिहाय असे आहे आरक्षण !
तालुका ग्रा. पं. अनुसूचित जाती अनुसूचित जमाती नामाप्र सर्वसाधारण
तेल्हारा ६२ १४ ०६ १७ २५
अकोट ८४ १६ १२ २३ ३३
मूर्तिजापूर ८६ २२ ०३ २३ ३८
अकोला ९७ २८ ०८ २६ ३५
बाळापूर ६६ २१ ०२ १८ २५
बार्शीटाकळी ८० १२ ०६ २२ ४०
पातूर ५७ १२ ०८ १५ २२
....................................................................................................................................................
एकूण ५३२ १२५ ४५ १४४ २१
