तेल्हारा तालुक्यातील सदरपूर येथे भीषण पाणीटंचाई!

तेल्हारा तालुक्यातील चितलवाडी गटग्रामपंचायतमधील सदरपूर येथील पाणी पुरवठा काही महिन्यांपासून बंद आहे. पाणी पुरवठा सुरू करण्याकरिता येथील  नागरिकांनी ५ डिसेंबरपासून बेमुदत उपोषण करण्याचा इशारा तहसीलदारांना  निवेदनाद्वारे दिला आहे. 

ठळक मुद्देगेल्या अनेक महिन्याभरापासून गावाचा पाणी पुरवठा बंदग्रामस्थांचा ५ डिसेंबरपासून बेमुदत उपोषणाचा इशारातहसीलदारांना दिले निवेदन

लोकमत न्यूज नेटवर्क
तेल्हारा : तालुक्यातील चितलवाडी गट ग्रामपंचायतमधील सदरपूर येथील पाणी पुरवठा काही महिन्यांपासून बंद आहे. पाणी पुरवठा सुरू करण्याकरिता येथील  नागरिकांनी ५ डिसेंबरपासून बेमुदत उपोषण करण्याचा इशारा तहसीलदारांना  निवेदनाद्वारे दिला आहे. 
तेल्हारा तालुक्यातील सदरपूर येथील प्रकाश सुरेश मेतकर व मीरा भास्कर मे तकर या शेतमजुरांनी गावातील पाणी पुरवठा गेल्या कित्येक महिन्यांपासून बंद  असल्याबाबत लेखी अर्जाद्वारे संबंधित विभागास कळविले होते; परंतु दिलेल्या  तक्रारीकडे संबंधित विभागाने लक्ष न दिल्यामुळे अखेर ५ डिसेंबरपासून बेमुदत  उपोषणास बसण्याचा इशारा देण्यात आला. हे उपोषण पाणी पुरवठा सुरळीत  होईपर्यंत राहील व या दरम्यान कोणतीही हानी झाल्यास शासन जबाबदार  राहील, असे निवेदनात म्हटले आहे. सदर निवेदनाच्या प्रति संबंधित विभागास  दिल्या आहेत.