अकोट येथे संत सेना महाराज पुण्यतिथी महोत्सव

संत सेना महाराज सभागृहात गायत्री यज्ञ व कलश स्थापना करून, शिवाजीनगर येथील मंदिरात ‘श्रीं’चा अभिषेक मयूर शिंगणारे यांच्या हस्ते सपत्नीक करण्यात आला. कार्यक्रमाचे पौरोहित्य राजेश चोडेंकर यांनी केले. श्रीकृष्ण मंदिरात संस्थेचे अध्यक्ष संजय भायाणी यांच्या अध्यक्षतेखाली व महाराष्ट्र नाभिक महामंडळाचे माजी जिल्हाध्यक्ष अशोक आंबुलकर, महावितरणचे वरिष्ठ तंत्रज्ञ शिवाजी आगाशे, रमेश आकोटकर यांच्या प्रमुख उपस्थित व समाजाचे ज्येष्ठ रमेश महानकर, ज्ञानदेवराव शिंगणारे, विठ्ठलराव मिसळकर, गणेशराव बुढळकर, पांडुरंग डांगटे, रमेश शेळके, बाबुराव रुद्रकार, अशोक मिसळकर, बंडू बेलुरकर यांच्या उपस्थित घेण्यात आला.

याप्रसंगी प्रमोद येऊलकर, राजेश चोंडेकर व राष्ट्रीय प्रज्ञाशोध परीक्षेत जिल्ह्यातून प्रथम आलेली रिद्धी पळसकर यांचा सत्कार व दहावी बारावी परीक्षेत यश संपादन करणाऱ्या विद्यार्थ्यांचा सन्मानपत्र देऊन गौरव करण्यात आला. कार्यक्रमाचे संचालन राजेश डांगटे व प्रास्ताविक संस्थेचे सचिव नरेंद्र महानकर यांनी केले. उपस्थितांचे आभार अरुण खापरकर यांनी मानले.