भरधाव ट्रकच्या धडकेत सायकलस्वार ठार

खदान पोलिसांनी ट्रकचालकाविरुद्ध गुन्हा दाखल केला आहे.

लोकमत न्यूज नेटवर्क
अकोला : राष्ट्रीय महामार्गावर भरधाव ट्रकच्या धडकेत सायकलस्वार जागीच ठार झाल्याची घटना शुक्रवारी सकाळी चांदुर परिसरात घडली. याप्रकरणी खदान पोलिसांनी ट्रकचालकाविरुद्ध गुन्हा दाखल केला आहे.
चांदुर येथील रहिवासी बबन राघोजी सुर्वे (५२) हे सायकलने राष्ट्रीय महामार्ग क्र. सहावरून शुक्रवारी सकाळी जात होते. यावेळी त्यांच्या पाठीमागून आलेल्या १३५१ क्रमांकाच्या भरधाव आलेल्या ट्रकने त्यांच्या सायकलला जबर धडक दिली. या अपघातात बबन सुर्वे हे जागेवरच ठार झाले. चालकाने ट्रक निष्काळजीपणे चालविल्याने हा अपघात झाल्याचे पोलिसांचे म्हणणे आहे. मृ तकाचे भाऊ नायबराव वानखडे (५५) यांनी खदान पोलीस स्टेशनला दिलेल्या तक्रारीवरून पोलिसांनी ट्रकचालकाविरोधात गुन्हा दाखल केला आहे.