मुंबई ते नागपूर दरम्यान उद्या विशेष उत्सव रेल्वेगाडी

Mumbai To Nagpur Train : मुंबई ते नागपूर दरम्यान विशेष उत्सव रेल्वेगाडीची एक जोडी चालविण्याचा निर्णय घेतला आहे.

ठळक मुद्दे१३ डिसेंबर रोजी नागपूर येथून सायंकाळी ०६.०० वाजता सुटेल.छत्रपती शिवाजी महाराज टर्मिनस येथे दुसऱ्या दिवशी सकाळी ०७.४५ वाजता पोहोचेल.

अकोला : प्रवाशांची गर्दी लक्षात घेता मध्य रेल्वेने १३ व १५ डिसेंबर रोजी मुंबई ते नागपूर दरम्यान विशेष उत्सव रेल्वेगाडीची एक जोडी चालविण्याचा निर्णय घेतला आहे.

०२०४८अप सुपरफास्ट विशेष उत्सव १३ डिसेंबर रोजी नागपूर येथून सायंकाळी ०६.०० वाजता सुटेल आणि छत्रपती शिवाजी महाराज टर्मिनस येथे दुसऱ्या दिवशी सकाळी ०७.४५ वाजता पोहोचेल. ०२०४७ डाउन सुपरफास्ट विशेष उत्सव १५ डिसेंबर रोजी छत्रपती शिवाजी महाराज टर्मिनस येथून रात्री ११.३० वाजता सुटेल आणि दुसऱ्या दिवशी १३.१५ वाजता नागपूरला पोहोचेल.

या दोन गाड्यांना वर्धा, पुलगाव, धामणगाव, चांदूर, बडनेरा, मूर्तिजापूर, अकोला, शेगाव, मलकापूर, भुसावळ, जळगाव, चाळीसगाव, मनमाड, नाशिकरोड, कल्याण आणि दादर (केवळ ०२०४७साठी) या ठिकाणी थांबे राहणार आहेत.

या गाड्यांसाठी विशेष शुल्कासह १२ डिसेंबर रोजी सर्व संगणकीकृत आरक्षण केंद्रांवर आणि www.irctc.co.in या संकेतस्थळावर बुकिंग करता येणार आहे.