विशेष पथकाची चार जुगार अड्ड्यांवर छापेमारी

अकाेला : पाेलीस अधीक्षक जी. श्रीधर यांच्या विशेष पथकाने शनिवारी शहरासह ग्रामीण भागातील जुगार अड्ड्यांवर छापेमारी करीत सुमारे ११ जुगारींना अटक केली. त्यांच्याकडून २० हजार रुपयांचा मुद्देमाल जप्त करण्यात आला आहे.

पोलीस स्टेशन डाबकी रोड अकोला अंतर्गत येणाऱ्या खैर मोहम्मद प्लॉट याठिकाणी विशेष पथकाने जुगारावर छापा टाकला असता त्या ठिकाणावरुन अशोक जयंती प्रसाद मिश्रा (वय ५१, रा. हरिहर पेठ जुने शहर), राजीव बबनराव घोडके (वय ३८, लाडीस फाईल अकोट फाइल), दत्तात्रय प्रल्‍हाद ठाकरे (वय ५२, डाबकी रोड) यांना ताब्यात घेऊन त्यांच्याकडून तीन हजारांचा मुद्देमाल जप्त करण्यात आला आहे. विशेष पथकाने दुसऱ्या कारवाईत शिवनगर पाण्याच्या टाकीजवळ धाड टाकून चंदू रतनलाल अग्रवाल (वय ३७, भीरड लेआऊट), संतोष मनोहर तायडे (वय ३९, हरिहर पेठ) यांना ताब्यात घेऊन त्यांच्याकडून तीन हजार रुपयांचा मुद्देमाल जप्त करण्यात आला आहे. तिसरी कारवाई विशेष पथकाने पोलीस स्टेशन जुने शहर हद्दीतील यशवंत नगर वाशिम बायपास येथे करून या जुगारावरून नीलेश सुरेश तेलगोटे (वय ३५, रा. यशवंत नगर), हिरा प्रकाश घुमरे (वाशिम बायपास) यांना ताब्यात घेऊन त्यांच्याकडून दाेन हजारांचा मुद्देमाल जप्त केला. त्यानंतर खदान पाेलीस ठाण्याच्या हद्दीतील चांदूर येथे छापा टाकून नारायण पुरुषोत्तम भेंडे (वय ४५), नागेश बाबुसिंग सोळुंके (वय ३६), जमीर खान यासीन खान (वय ४५, सर्व रा ग्राम चांदूर) यांना ताब्यात घेऊन त्यांच्याकडून ८४ हजारांची राेकड जप्त करण्यात आली आहे. तर खायवाडी करणारा करणारा आरोपी राहुल अरुण कराळे (रा.कौलखेड) याच्याकडून तीन हजारांचा मुद्देमाल जप्त् करण्यात आला आहे. विशेष पथकाने दिवसभरात अवैद्य धंद्यावर धाडसत्र सुरू ठेवत एकूण ११ आरोपींना अटक केली असून त्यांच्याकडून मुद्देमाल हस्तगत केला.

ही कारवाई पोलीस अधीक्षक जी श्रीधर, अपर पोलीस अधीक्षक मोनिका राऊत यांच्या मार्गदर्शनाखाली विशेष पथकाचे प्रमुख विलास रमेश पाटील यांनी व त्यांच्या पथकाने केली.