पास्टुल येथे सॅनिटायझरची फवारणी

आलेगावातील विकासकामांबाबत सभा

आलेगाव : तालुक्यातील आलेगाव ग्रामपंचायतीचे सरपंच गोपाल पाटील यांची भाजपच्या पदाधिकाऱ्यांनी रविवारी भेट घेतली. या भेटीदरम्यान गावातील विकासकामांसह रस्त्याचे डांबरीकरण, पुलाच्या कामाबाबत चर्चा करण्यात आली. यावेळी उपसरपंच जलीलभाई, पुंडलिक आखरे, श्रीकांत बराटे उपस्थित होते.

पातूर नंदापूर येथे रक्तदान शिबिर

पातूर नंदापूर : रक्ताचा तुटवडा पाहता, राष्ट्रवादी कॉंग्रेसच्या वतीने पातूर नंदापूर येथे रविवारी रक्तदान शिबिर पार पडले. रायुकॉंचे तालुकाध्यक्ष विक्की लाखे, उपाध्यक्ष महेश मोरे यांच्या मार्गदर्शनात शिबिरात शेकडो युवकांनी रक्तदान केले. यावेळी राकॉंचे जिल्हाध्यक्ष संग्राम गावंडे, युवक जिल्हाध्यक्ष शिवा मोहोड, रोशन ठाकरे, शेषराव मनवर उपस्थित होते.

राकॉं ओबीसी सेलकडून भोजनदान

मूर्तिजापूर : येथील नंदनवन कुष्ठधाम पारधीनगर येथे राष्ट्रवादी ओबीसी सेलचे प्रदेशाध्यक्ष ईश्वर बाळबुधे यांनी गरजू, गरीब व कुष्ठरोगी यांना रविवारी मिष्टान्न भोजनाचे वितरण केले. यावेळी महासचिव किशोर सोनोने, तालुकाध्यक्ष विष्णू लोडम, शहराध्यक्ष विशाल शिरभाते, जिल्हाध्यक्ष श्रीकृष्ण बोळे, महिला जिल्हाध्यक्ष सुषमा कावरे उपस्थित होते.

खंडाळा येथे लसीकरणाला प्रतिसाद

खंडाळा : कोरोनाचा वाढता प्रादुर्भाव पाहता, आरोग्य विभागामार्फत खंडाळा येथे कोरोना लसीकरण मोहीम राबविण्यात येत आहे. येथील आरोग्य उपकेंद्रामध्ये डाॅ. नंदकुमार चव्हाण यांच्या मार्गदर्शनात आरोग्यसेविका वर्षा मेश्रामकर, सत्यभामा पाटोळे लसीकरण मोहीम राबवित आहेत.