सेवानिवृत्त कर्मचाऱ्यांचे विविध मागण्यांसाठी निवेदन

------

ग्रामस्वच्छता अभियान पथकाची भेट

कुरूम : मूर्तिजापूर पंचायत समिती अंतर्गत येत असलेल्या ग्रामपंचायत मधापुरीला संत गाडगेबाबा ग्रामस्वच्छता अभियान जिल्हास्तरीय तपासणी पथकाने मूल्यांकनासाठी भेट देऊन पाहणी केली. स्थानिक जि.प. शाळा व नावीन्यपूर्ण विज्ञान केंद्र, संगणक प्रणाली, अंगणवाडी केंद्र, प्रा.आ. उपकेंद्र आदींची पाहणी करून समाधान व्यक्त केले.

------------

राष्ट्रीय महामार्गाची दुरवस्था

बोरगाव मंजू : राष्ट्रीय महामार्गाची दुरवस्था झाली असून, मार्गावर ठिकठिकाणी खड्डे पडले आहेत. खड्ड्यांमुळे अपघाताच्या घटनांमध्ये वाढ झाली आहे. तसेच रस्त्यावरील धुळीने वाहनचालक त्रस्त झाले आहेत. सार्वजनिक बांधकाम विभागाने रस्त्याची दुरुस्ती करावी, अशी मागणी हाेत आहे.

----------

अकाेटात रस्ता जनजागृती अभियान

अकोट : फ्रीडम बहुद्देशीय संस्था द्वारा संचालित फ्रीडम मराठी प्राथमिक, उच्च प्राथमिक व माध्यमिक शाळा अकोटच्या स्काऊट गाईड पथकाच्या वतीने येलो लाईन कॅम्पेन हा उपक्रम राबविला. स्काऊट प्रमुख योगेश इंगोले व गाईड प्रमुख शीतल लठाड यांच्यासह अमृता भुते, धनश्री आकोटकर, दिव्या केदार, आयुष पडोळे, कृष्णा गणगणे, आयुष्य भेंडे आदी विद्यार्थ्यांनी सहभाग नोंदविला. संस्थेचे अध्यक्ष मनोज झाडे, मुख्याध्यापिका रश्मी करुले उपस्थित होते.