तडीपार आराेपीची तलवार घेऊन दहशत

अकाेला : सिटी काेतवाली पाेलीस ठाण्याच्या हद्दीतील बागातील देवी मंदिराच्या परिसरात जिल्ह्यातून दाेन वर्षांसाठी तडीपार करण्यात आलेला आराेपी हातात तलवार घेऊन दहशत पसरवित असताना पाेलीस अधीक्षकांच्या विशेष पथकाने पाळत ठेवून त्याला मंगळवारी अटक केली. त्याच्याकडून धारदार शस्त्र जप्त करण्यात आले आहे.

जुने शहरातील गाडगे नगर परिसरातील रहिवासी आकाश रामा निनाेरे याला जिल्ह्यातून दाेन वर्षांसाठी तडीपार करण्यात आले आहे. पाेलीस अधीक्षक जी. श्रीधर यांच्या प्रस्तावावरून त्याला तडीपार केल्यानंतर ताे अकाेल्यातच असल्याची माहिती विशेष पथकाला मिळाली. आकाश निनाेरे हा हातात तलवार घेऊन बागातील देवी माता मंदिराजवळ दहशत पसरवित असल्याची माहिती पाेलीस अधीक्षक जी. श्रीधर यांच्या विशेष पथकाचे प्रमुख विलास पाटील यांना मिळाली. या माहितीवरून त्यांनी पथकासह छापा टाकून निनाेरे यास अटक केली. त्याच्याकडून धारदार तलवार जप्त करण्यात आली आहे. आराेपीविरुध्द सिटी काेतवाली पाेलीस ठाण्यात आम्स ॲक्टच्या कलम ४,२५ अन्वये गुन्हा दाखल करण्यात आला आहे. ही कारवाई पाेलीस अधीक्षक जी. श्रीधर, अतिरिक्त पाेलीस अधीक्षीक माेनिका राऊत यांच्या मार्गदर्शनाखाली विशेष पथकाचे प्रमुख विलास पाटील व त्यांच्या पथकाने केली.