तेल्हारा विकास मंच न. प. ची निवडणूक लढविणार!

तेल्हारा : तेल्हारा विकास मंचची स्थानिक माहेश्वरी भवनात बैठक संपन्न झाली. या बैठकीत तेल्हारा विकास मंच आगामी नगरपालिका निवडणुकीच्या रिंगणात उतरणार, असे विकास मंचचे अध्यक्ष राम फाटकर यांनी जाहीर केल्याने शहारातील राजकीय घडामोडींना वेग आला आहे. समाजातील प्रत्येक घटकांसह सर्वांनासोबत घेऊन निवडणूक लढणार असल्याचे बैठकीत निर्णय घेण्यात आला. या बैठकीत मार्गदर्शक, सल्लागार समिती व प्रमुख पदाधिकाऱ्यांची उपस्थिती होती.

तेल्हारा विकास मंचची बैठक मार्गदर्शक गजानन रेवस्कर गुरुजी यांच्या अध्यक्षतेखाली घेण्यात आली. तेल्हारा विकास मंचच्या उपाध्यक्षपदी कुशल संघटक प्रवीण पोहरकार, सरचिटणीसपदी स्वप्निल सुरे, तर संघटकपदी शेख ताजुद्दीन यांची सर्वानुमते निवड करण्यात आली आहे. विकास मंचच्या अनु. जमाती आघाडीच्या अध्यक्षपदी विलास पवार यांची निवड केली आहे. बैठकीत आभार उपाध्यक्ष प्रवीण पोहरकार यांनी मानले. बैठकीला युवक आघाडीचे अध्यक्ष सोनू सोनटक्के तसेच मंचचे पदाधिकारी कार्यकर्ते मोठ्या संख्येने उपस्थित होते.

--------------------

मार्गदर्शक सल्लागार समितीमध्ये यांचा समावेश

बैठकीमध्ये मार्गदर्शक सल्लागार समिती स्थापन करण्यात आली आहे. यामध्ये माजी नगरसेवक देविदास भुजबले, गजानन रेवस्कर, प्रा. कृष्णा फंदाट, भावराव वानखडे गुरुजी, दीपक दही गुरूजी, सुरेशआप्पा घोडेस्वार, अशोक खारोडे, सदाशिव वाघ, श्रीराम सूरे, हुसेन खाँ आलम खाँ, देवीदास तायडे, सुरेश मंत्री, हरीश जिंदे, संतोष राठी, अरविंद फाडके, रामदास खारोडे, सैय्यद इसा सैयद मुसा, प्रकाश सोनटक्के, सदानंद पिंपळकार, सुरेश सोनोने, राजूभाऊ वानखडे, विनोद पोहरकार, संदीप मामनकार, सुशील तायडे, रामेश्वर हागे, शब्बीर शाह इसूब शाह, अमीर खाँ गफ्फार खाँ, शे मुस्ताक, विराग खाँ गुलाब खाँ यांचा समावेश करण्यात आला.

----------------------