तलवार घेऊन दहशत पसरवणारा अटकेत

लोकमत न्यूज नेटवर्क

अकोला : सिटी कोतवाली पोलीस ठाण्याच्या हद्दीतील लाल बंगला परिसरात हातात तलवार घेऊन नागरिकांना धमकावणाऱ्या तरुणाला पोलीस उपअधीक्षक सचिन कदम यांच्या विशेष पथकाने शनिवारी रात्री अटक केली. त्याच्याविरुद्ध सिटी कोतवाली पोलीस ठाण्यात गुन्हा दाखल करण्यात आला आहे.

कोठडी बाजार परिसरातील के. के. बिल्डिंगमध्ये निसार खान इसरार खान (वय २२, रा. मोमिनपुरा) हा हातात तलवार घेऊन येणाऱ्या-जाणाऱ्या लोकांना धमकावत असल्याची माहिती पोलीस उपअधीक्षक सचिन कदम यांना मिळाली. या माहितीवरून त्यांच्या विशेष पथकाने कोठडी बाजारात पाळत ठेवून हातात तलवार घेऊन दहशत पसरवणार्‍या या तरुणाला ताब्यात घेतले. त्याच्याविरुद्ध सिटी कोतवाली पोलीस ठाण्यात गुन्हा दाखल करण्यात आला आहे. ही कारवाई पोलीस उपअधीक्षक यांच्या विशेष पथकाने केली.