बोरगावात बिअरबारमध्ये चोरी; चार लाखांची विदेशी दारू लंपास

पोलीस सूत्रांनी दिलेल्या माहितीनुसार, बोरगाव मंजूनजीक राष्ट्रीय महामार्गावरील चैतन्य बिअरबार मंगळवारी रात्री नेहमीप्रमाणे बंद केले होते. रात्रीच्या सुमारास अज्ञात चोरट्यांनी मुख्यद्वाराचे कुलूप तोडून आत प्रवेश केला. चोरट्यांनी विदेशी दारू ३२ बॉक्स, बिअर ३० बॉक्स लंपास करीत सीसीटीव्ही कॅमेऱ्यांची तोडफोड केली. असा चार लाख रुपये किमतीचा मुद्देमाल चोरट्यांनी एका वाहनातून लंपास केला. बुधवारी सकाळी नेहमीप्रमाणे चैतन्य बिअरबारचे मालक संजय निलखन, पुरुषोत्तम निलखन दुकान उघडण्यासाठी आले असता त्यांना दिसून आले. त्यांनी घटनेची माहिती बोरगाव मंजू पोलीस ठाण्यात दिली. त्यावरून ठाणेदार सुनील सोळंकेसह हेडकॉन्स्टेबल अशोक इंगळे, मोरे यांनी घटनास्थळी धाव घेऊन घटनेचा पंचनामा केला.

-------------

श्वान पथकाला केले पाचारण

घटनेचे गांभीर्य लक्षात घेत पोलिसांनी श्वान पथक तसेच ठसे तज्ज्ञांना पाचारण केलेे; परंतु अज्ञात चोरट्याचा सुगावा लागला नाही. घटनेची फिर्याद चैतन्य बिअरबारचे मालक संजय निलखन यांनी बोरगाव मंजू पोलीस ठाण्यात दिली. यावरून पोलिसांनी अज्ञात चोरट्यांविरुद्ध गुन्हे दाखल केला. पुढील तपास ठाणेदार सुनील सोळंकेसह पोलीस करीत आहेत.