तांदूळ घेण्यासाठी आले अन् घरातील साेन्याचे दागिने पळविले
By लोकमत न्यूज नेटवर्क | Published: September 16, 2021 12:00 PM2021-09-16T12:00:19+5:302021-09-16T12:00:29+5:30
Crime News : ४० हजार रुपये किमतीचे साेन्याचे दागिने पळविल्याची घटना बुधवारी सायंकाळी घडली़
तांदूळ घेण्यासाठी आले अन् घरातील साेन्याचे दागिने पळविले
Next अकाेला : डाबकी राेड पाेलिस ठाण्याच्या हद्दीतील भारती प्लाॅट येथील एका घरात तांदूळ मागण्यासाठी आलेल्या दाेन युवकांनी याच घरातील टेबलवर ठवलेले सुमारे ४० हजार रुपये किमतीचे साेन्याचे दागिने पळविल्याची घटना बुधवारी सायंकाळी घडली़
भारती प्लाॅट येथील रहिवासी कविता विजय गाेखले या त्यांच्या घरासमाेर उभ्या असताना दाेन पुरुष त्यांच्याकडे आले़ तसेच घरातील जुने धान्य तांदूळ, गहू किंवा इतर जे खराब झाले असेल ते चांगल्या भावात आम्ही खरेदी करताे असे आमिष महिलेला दिले़ त्यामुळे महिला घरातील जुने तांदूळ काढण्यासाठी घरात गेल्या असता या दाेन चाेरट्यांनी घरातील टेबलवर ठेवलेले साेन्याचे दागिने चाेरून घरातून पळ काढला़ गाेखले या दाेघांना शाेधण्यासाठी आल्या असता त्यांच्या घरातील टेबलावरील दागिने पळविल्याचे त्यांच्या लक्षात आले़ त्यांनी तातडीने हा प्रकार आजूबाजूच्यांना सांगितला़ परिसरातील नागरिकांनी चाेरट्यांचा शाेध सुरू केला़ मात्र ताेपर्यंत दाेेघेही पसार झाले हाेते़ या प्रकरणाची तक्रार रात्री उशिरा डाबकी राेड पाेलिसांकडे करणार असल्याची माहिती गाेखले यांनी दिली़