गुरे चाेरणाऱ्या तीन जणांना अटक; पोलिसांकडून मुद्देमाल जप्त

या चाेरटयांकडून वाहनांसह मुद्देमाल जप्त करण्यात आला आहे.

सचिन राऊत, अकाेला : डाबकी राेड पाेलिस ठाण्याच्या हद्दीतील भीम नगर परिसरातून गुरे चाेरण्याचा प्रयत्न करणाऱ्या तीन चाेरटयांना स्थानीक गुन्हे शाखेच्या पथकाने रविवारी अटक केली़ या चाेरटयांकडून वाहनांसह मुद्देमाल जप्त करण्यात आला आहे. भीम नगरातील मुकुंदवाडी परिसरातील रहीवासी उमेश भीमराव गाेपनारायण यांच्या मालकीचे दाेन गुरे चाेरण्याचा प्रयत्न तीन अज्ञात चाेरटयांनी केला हाेता. मात्र आवाज आल्याने उमेश गाेपनारायण यांनी उठून पाहताच तीनही चाेरटे फरार झाले हाेते़

या प्रकरणाची तक्रार डाबकी राेड पाेलिस ठाण्यात दिल्यानंतर पाेलिसांनी अज्ञात चाेरटयांविरुध्द गुन्हा दाखल करून तपास सुरु केला़ या चाेरटयांची माहीती स्थानीक गुन्हे शाखेचे प्रमूख शंकर शेळके यांना मीळाल्यानंतर त्यांनी पथकासह या चाेरीतील वसीम अहेमद उर्फ राजा शेख मुमताज अहेमद वय ३२ वर्ष रा़ ताजनापेठ, माेहम्मद हनीफ उर्फ राजा शेख हबीब वय ४१ वर्ष रा. ताजनापेठ व मुख्तार अहेमद खान सत्तार खान वय ३७ रा. बैदपुरा या तीन चाेरटयांना अटक केली. त्यांच्याकडून चाेरीतील मुद्देमाल जप्त करण्यात आला असून या चाेरीची कबुली त्यांनी दिली़.

ही कारवाई पाेलिस अधीक्षक संदिप घुगे, अपर पाेलिस अधीक्षक अभय डाेंगरे, स्थानीक गुन्हे शाखा प्रमूख शंकर शेळके यांच्या मार्गदर्शनाखाली रवि खंडारे, अब्दुल माजीद, महेंद्र मलीये, अविनाश पाचपाेर, अमाेल दिपके, शुभम दुबे व राहूल गायकवाड यांनी केली.