पिंपळखुटा येथे तीन घरे फोडली, सोने-चांदीच्या दागिन्यांसह रोख ऐवज लंपास!

पिंपळखुटा येथे गणेश कृष्णराव देशमुख यांच्या घरामध्ये चोरट्यांनी प्रवेेश करीत, रोख २५ हजार रुपये व २५ ग्रॅम सोने व १८ तोळे चांदी असा ऐवज लंपास केला. रामकृष्ण बळीराम किर्तने यांच्या देवघरातील चांदीची नाणी तर भगवान नानाराव देशमुख यांच्या घरातून ५२ हजार रुपयांचा ऐवज लंपास करून चोरटे पसार झाले. तसेच डॉ. अरविंद पंजाबराव देशमुख यांच्या घरात चोरट्यांनी चोरीचा प्रयत्न केला. परंतु तो अयशस्वी ठरला. चोरट्यांनी तीनही घरांमधून एकूण १ लाख ७० हजार रुपयांचा ऐवज लंपास केला. ठाणेदार राहुल वाघ यांच्या मार्गदर्शनात उपनिरीक्षक गणेश नावकार यांनी तातडीने घटनास्थळ गाठून घटनेचा पंचनामा केला. यावेळी श्वान पथक व ठसेतज्ज्ञ पथकाला पाचारण करण्यात आले होते. परंतु काही सुगावा लागला नाही. चान्नी पोलिसांनी अज्ञात चोरट्यांविरूद्ध गुन्हा दाखल केला आहे.

फोटो: