पोलीस निरीक्षकांचा बदल्या स्थानिक गुन्हे शाखा संतोष महल्ले

अकोला : जिल्ह्यातील पोलीस अधिकाऱ्यांच्या जिल्ह्याबाहेर बदली झाल्यामुळे रिक्त झालेल्या जागांवर अधिकाऱ्यांची नियुक्ती करण्यासाठी पोलीस अधीक्षक जी. श्रीधर यांनी शुक्रवारी १३ अधिकाऱ्यांच्या बदलीचे आदेश काढले. दोन अधिकाऱ्यांना आहे त्याच ठिकाणी मुदतवाढ देण्यात आली. स्थानिक गुन्हे शाखा या चर्चेतील जागेसाठी संतोष महल्ले यांची तर वाहतूक नियंत्रण शाखेत विलास पाटील यांची नियुक्ती करण्यात आली आहे.

अकोला जिल्ह्यातील चार ठाणेदारांची बदली जिल्ह्याबाहेर झाली होती. त्यामुळे स्थानिक गुन्हे शाखेसह वाहतूक शाखेतील पोलीस निरीक्षकांचे पद रिक्त झाले होते. खदानच्या पोलीस निरीक्षकांचे पदही रिक्त होते. त्यामुळे शुक्रवारी (ता.२०) पोलीस अधीक्षक जी. श्रीधर यांनी जिल्ह्यातील काही पोलीस निरीक्षकांच्या प्रशासकीय व विनंतीवरून बदल्या केल्यात.

जिल्ह्यातील काही पोलीस निरीक्षकांची जिल्ह्याबाहेर बदली झाली होती. त्यामुळे रिक्त झालेल्या जागांवर अधिकाऱ्यांची नियुक्ती करणे क्रमप्राप्त होते. त्यानुसार शुक्रवारी बदली आदेश देण्यात आले.

- जी. श्रीधर, पोलीस अधीक्षक, अकोला

नाव काेठून काेठे

संतोष महल्ले अकोट शहर स्थागुशा प्रभारी

भानुप्रताप मडावी सिव्हिल लाईन्सचे पोलीस निरीक्षक मुदतवाढ

गजानन महल्ले रामदास पेठचे पोलीस निरीक्षक नियंत्रण कक्ष

प्रकाश अहिरे नियंत्रण कक्ष अकोट शहर

विलास पाटील दहशतवाद विरोधी पथक शहर वाहतूक शाखा

श्रीरंग सणस नियंत्रण कक्षातील खदान पोलीस स्टेशन

नितीन देशमुख . तेल्हारा अकोट ग्रामीणचे प्रभारी

ज्ञानोबा फड अकोट ग्रामीण तेल्हारा पोलीस निरीक्षक

उज्ज्वला देवकर सायबर पोलीस स्टेशनचे प्रभारी

संजय गवई खदान मधून रामदास पेठ

शेख रहिम गफार मूर्तिजापूर ग्रामीणमधून जुने शहर अकाेला

ज्योती विल्हेकर अकोट शहर मुदतवाढ

सुरेंद्र राऊत रामदास पेठ दहिहांडा ठाणेदार