अकोला जिल्ह्यातील पाच पोलीस उपनिरीक्षकांच्या बदल्या

अकोला : जिल्हा पोलीस अधीक्षकांच्या आदेशान्वये जिल्ह्यातील पाच पोलीस उपनिरीक्षकांच्या बदल्या बुधवारी करण्यात आल्या आहेत. बुधवारी रात्री बदल्यांचा आदेश देण्यात आला असून, बदली झालेल्यांना तातडीने रुजू होण्याच्याही सूचना देण्यात आलेल्या आहेत.
बुधवारी जिल्हा पोलीस अधीक्षक एम. राकेश कलासागर, अपर पोलीस अधीक्षक विक्रांत देशमुख यांच्या उपस्थितीत पार पडलेल्या बैठकीत जिल्ह्यातील पाच पोलीस उपनिरीक्षकांच्या बदल्या करण्यात आल्या. यामध्ये नियंत्रण कक्षातील पोलीस उपनिरीक्षक दिलीप शालीग्राम गवई यांची सिव्हिल लाइन पोलीस ठाण्यामध्ये तर रामदासपेठ पोलीस ठाण्यातील आशिष अशोकराव शिंदे यांची मूर्तिजापूर शहर पोलीस ठाण्यात तर शहर वाहतूक शाखेतील अनुराधा रामकृष्ण पाटेखेडे यांची सिटी कोतवाली पोलीस ठाण्यात तर नियंत्रण कक्षातील विलास शंकरराव दुतोंडे यांची सिटी कोतवाली पोलीस ठाण्यामध्ये तर मूर्तिजापूर शहर पोलीस ठाण्यातील राजू दादाराव गायकी यांची नियंत्रण कक्षामध्ये बदली करण्यात आली आहे. बुधवारी पार पडलेल्या बैठकीमध्ये जिल्हा पोलीस अधीक्षक एम. राकेश कलासागर यांनी बदली करण्यात आलेल्या ठिकाणी तत्काळ रुजू होण्याचा आदेश दिला आहे. याच बरोबर दोन अधिकाऱ्यांनी बदलीसाठी विनंती केली होती. त्यामध्ये पोलीस उपनिरीक्षक महेंद्र बी. शिंदे आणि अमित टी. पांडे यांची महामार्ग सुरक्षा विभागात बदली करण्यात आली आहे.