अपघातग्रस्त रस्त्याची पूजा करून वाहिली श्रद्धांजली!

अकोटः अकोट तालुक्यातील अकोट-हिवरखेड रस्त्यावर अपघाताची मालिका सुरूच आहे. त्यामुळे या अपघातग्रस्त रस्त्याची पूजा करून अपघाती मृत्यू झालेल्या व्यक्तीला १७ जानेवारी रोजी जळगाव नहाटे येथील ग्रामस्थांनी श्रध्दांजली वाहिली.

अकोट-हिवरखेड रस्त्यावर जानेवारी महिन्यांत वाहनांच्या अपघातात तिघांचा मृत्यू, तर ५ ते ६ जण गंभीर जखमी झाले. जखमींवर उपचार सुरू आहेत. तसेच अपघातात वाहनाचे मोठे नुकसान झाले आहे. या रस्त्यावर अपघाताची मालिका सुरूच असून, अशा स्थितीत हिवरखेड रस्त्यावर सूतगिरणीनजीक जळगाव नहाटे येथील विनोद देवीदास ब्राम्हणे या युवकाचा मृत्यू झाला. मृत युवकाचा फोटो घेऊन या ठिकाणी जळगाव नहाटे येथील ग्रामस्थांनी अपघात मृत्यू झालेल्यांना श्रध्दांजली वाहली आणि रस्त्याची पूजा केली. यावेळी आभिषेक नहाटे, सरपंच राजेश वानखडे, कमाल कमल ब्राम्हणे, संतोष वानखडे, किशोर ब्राम्हणे, सुनील वानखडे, भगवान वानखडे, मधुकर घोपे, तेजराव हिरोडे, विलास नहाटे, रामधन वानखडे, विठ्ठल वानखडे, प्रवीण वानखडे, पोलीस पाटील प्रमोद नहाटे, ज्ञानेश्वर पवार, ज्ञानेश्वर साबळे, रामेश्वर साबळे, गौतम तेलगोटे यांच्यासह इतर नागरिक उपस्थित होते. (फोटो)

------------------------

नवरदेवाने केला नवरीचा मेकअप!

अकोटः आपले लग्न जरा हटके व्हावे, असे प्रत्येकालाच वाटत असते. लग्नामध्ये नवरी सुंदर दिसावी यासाठी मेकअपला चांगला प्रतिसाद मिळत आहे; मात्र एका लग्नात नवरदेवाने नवरीचा मेकअप केल्याचे पाहावयास मिळाले. अकोट येथील सागर दिगंबरराव गवळी या मेकअप आर्टिस्टची लग्नगाठ अमरावती जिल्ह्यातील प्रतीक्षा सुभाष लकडे या मुलीशी बांधल्या गेली. (फोटो)