अज्ञात वाहनाच्या धडकेत ट्रक चालकाचा मृत्यू
By लोकमत न्यूज नेटवर्क | Published: January 30, 2022 11:34 AM2022-01-30T11:34:17+5:302022-01-30T11:34:56+5:30
Truck driver killed in an Accident : गोपाल मानकर हे शेगाव येथून ड्यूटी करून घरी पायी परत येत असताना कोणीतरी अज्ञात वाहनाने त्यांना धडक दिली.
अज्ञात वाहनाच्या धडकेत ट्रक चालकाचा मृत्यू
Next अकोला: शेगाव-निंबा रोडवरील लोहाऱ्याजवळून पायी जाणाऱ्या एका ट्रक चालकाला अज्ञात वाहनाने धडक दिली. यात ट्रक चालकाचा जागीच मृत्यू झाल्याची घटना २९ जानेवारी रोजी ९.३० वाजताच्या सुमारास घडली. याप्रकरणी उरळ पोलिसांनी गुन्हा दाखल केला.
सुधाकर तेजराव मानकर(३३ रा. बोरगाव वैराळे) यांच्या तक्रारीनुसार त्यांचे भाऊ गोपाल तेजराव मानकर(४५) हे ट्रक ड्रायव्हरचे काम करतात. २८ जानेवारी रात्री ९ वाजताच्या सुमारास त्यांनी फोन करून शेगाव-निंबा रस्त्याने पायी येत असल्याचे सांगत, मला घ्यायला बोलाविले. काही वेळानंतर त्यांना फोन लावला असता, त्यांचा फोन हा कोणीतरी उचलला व त्यांनी, तुमच्या भावाचा लोहारा-शेगाव रस्त्यावर डोंगरगाव कमानीच्या जवळ अपघात झाल्याचे सांगितले. त्यामुळे तेथे पोहोचल्यावर भाऊ गोपाल मानकर हे जखमी अवस्थेत दिसून आले. त्यांच्या डोक्याला व पायाला मार लागल्याने त्यांचा जागेवरच मृत्यू झाला. गोपाल मानकर हे शेगाव येथून ड्यूटी करून घरी पायी परत येत असताना कोणीतरी अज्ञात वाहनाने त्यांना धडक दिली. याप्रकरणी उरळ पोलिसांनी गुन्हा दाखल केला.