आगीत दोन मुले भाजली

अकोला : जुने शहरातील हमजा प्लॉटमध्ये एका घराला रविवारी दुपारी अचानक आग लागल्याची घटना घडली. या आगीत घरातील दोन मुले भाजल्या गेली.

जुने शहरातील हमजा प्लॉटमधील घटना

अकोला : जुने शहरातील हमजा प्लॉटमध्ये एका घराला रविवारी दुपारी अचानक आग लागल्याची घटना घडली. या आगीत घरातील दोन मुले भाजल्या गेली असून, त्यांच्यावर सर्वोपचार रुग्णालयामध्ये उपचार करण्यात येत आहेत. या आगीची माहिती मिळताच मनपाच्या अग्निशमन विभागाने ही आग आटोक्यात आणण्यासाठी प्रयत्न केले.
हमजा प्लॉटमधील रहिवासी शेख महेबूब यांच्या घराला रविवारी दुपारी अचानक आग लागली. या आगीमध्ये शेख महेबूब यांचा मुलगा जुनेद शेख महेबूब (८) आणि राहील शेख महेबूब (१०) हे दोघे जण भाजल्या गेली आहेत. आग लागली तेव्हा दोघेही घरात झोपण्याच्या तयारीत होते, आग लागल्यानंतर त्यांना बाहेर येण्यासाठी वेळ लागल्याने दोन्ही मुले आगीत सापडली. आग लागल्यानंतर आगीच्या बाजूलाच तब्बल अर्धा तासाच्यावर दोन्ही मुले घरातच होती, त्यामुळे ती आगीने भाजल्या गेली. दोघांचीही प्रकृती धोक्याबाहेर आहे. या आगीमध्ये शेख महेबूब यांच्या घरातील साहित्य जळून खाक झाल्याने त्यांचे मोठे आर्थिक नुकसान झाले आहे.
अग्निशमन विभागाने ताताडीने दाखल होऊन आग आटोक्यात आणताच नागरिकांनी दोन्ही मुलांना बाहेर काढून तातडीने सर्वोपचार रुग्णालयात दाखल केले.