दोन मोबाइलचोर गजाआड

सिटी कोतवाली पोलिसांनी दोन मोबाइलचोरांना गुरुवारी अटक केली.

अकोला: सिटी कोतवाली पोलिसांनी दोन मोबाइलचोरांना गुरुवारी अटक केली. या दोन्ही चोरट्यांना न्यायालयासमोर हजर केले असता, न्यायालयाने त्यांना एक दिवसाची पोलीस कोठडी सुनावली आहे. जनता भाजीबाजारामध्ये खरेदीसाठी आलेल्यांचे मोबाइल चोरीला गेल्याची एक मोठी यादी आहे. हे मोबाइल याच परिसरात राहणार्‍या काही युवकांनी चोरल्याचा पोलिसांना संशय असून, यामधील दोन चोरट्यांना सिटी कोतवाली पोलिसांनी गुरुवारी अटक केली. यामध्ये इराणी वसाहत येथील रहिवासी गुलाम अली औलाद हुसेन व त्याचा साथीदार दीपक नारायण ससाने यांचा समावेश आहे. या दोघांजवळून चोरीतील एक मोबाइल जप्त केला असून, आणखी मोबाइल मिळण्याची शक्यता आहे. ही कारवाई ठाणेदार अनिरुद्ध अढाऊ यांच्या मार्गदर्शनात करण्यात आली.