दोन मोटारसायकल समोरा-समोर धडकल्या; दोन गंभीर

ठळक मुद्देहिवरखेड पोलिस ठाण्याअंतर्गत झरी-चिचारी मार्गावर घडला अपघातदोघेही मोटारसायकलस्वार गंभीर जखमी झाले.दोघांनाही उपचारासाठी अकोला येथे सर्वोपचार रुग्णालयात हलविण्यात आले.

हिवरखेड : तेल्हारा तालुक्यातील हिवरखेड पोलिस ठाण्या अंतर्गत येत असलेल्या झरी-चिचारी मार्गावर परस्पर विरुद्ध दिशेने जाणाºया दोन मोटारसायकल समोरासमोर धडकल्या. सकाळी ९ वाजताचे सुमारास झालेल्या या अपघातात दोघेही मोटारसायकलस्वार गंभीर जखमी झाले. दोघांनाही उपचारासाठी अकोला येथे सर्वोपचार रुग्णालयात हलविण्यात आले आहे.
चिचारी शेत शिवारातील इडा प्रदीप निगवाल हा एम.एच. ३०-८९७७ क्रमांकाच्या दुचाकीवरून झरीकडे जात होता. तर एमएच ३०-५०९१ क्रमांकाच्या दुचाकीवरुन इरफानखाँ शाहीद हा चिचारीकडे जात होता. रस्त्याने दोन्ही मोटारसाकलची समोरा-समोर धडक झाली. यामध्ये दोघेही गंभीर जखमी झाले. दोघांना अकोला येथे सर्वोपचार रुगणालयात उपचारासाठी रवाना करण्यात आले. पुढील तपास ठाणेदार विकास देवरे, हवालदार दीपक गवई, अमर पवार करीत आहेत.